کراچی: ملک میں مہنگائی ایک سال کی بلند ترین سطح 6.24 فیصد تک پہنچ گئی اور صرف اکتوبر میں 1.83فیصد اضافہ ریکارڈ کیا گیا جبکہ گزشتہ ماہ ٹماٹر، پیاز، سبزیوں، آٹے اور انڈوں سمیت متعدد اشیاء کی قیمتوں میںاضافہ ہو گیا۔
اکتوبر کا مہینہ مہنگائی کے اعتبار سے عوامی مشکلات کا باعث بنا رہا، حکومت نے مہنگائی کا تخمینہ 5 سے 6 فیصد رہنے کا تخمینہ لگایا تھا لیکن سالانہ شرح 6.24 فیصد تک پہنچ گئی جو گزشتہ ایک سال کی بلند ترین سطح ہے۔
رپورٹ کے مطابق شہری علاقوں میں مہنگائی 6 اور دیہی علاقوں میں 6.6 فیصد رہی، گزشتہ ماہ ٹماٹر 58 فیصد اور پیاز کے نرخ میں 19 فیصد اضافہ ہوا۔
سبزیاں 12.22 فیصد، گندم 10.5 فیصد اور آٹا 5.5 فیصد تک مہنگا ہوا۔انڈے 4.22فیصد ، مچھلی 4 فیصد اور آلو 2.6 فیصد تک مہنگے ہوئے۔
پھل، مکھن، گھی، کوکنگ آئل بھی مہنگی ہونے والی اشیاء میں شامل ہیں۔
دوسری طرف زندہ برائلر مرغی 21.51 فیصد تک سستی ہوئی اور آلو، بیسن، دال چنا، مسور، مونگ، مشروبات، شہد کی قیمتوں میں بھی کمی آئی۔
