لاہور: پنجاب حکومت نے نئے کارو موٹر سائیکل سروس سٹیشنز بنانے پر پابندی لگادی ہے۔ محکمہ ماحولیات کی جانب سے جاری نوٹیفیکشن میں کہا گیا ہے کہ پنجاب میں پانی کی قلت، اور ممکنہ خشک سالی کے پیش نظر یہ فیصلہ کیا گیا ہے۔
نوٹیفکیشن کے مطابق پابندی کی خلاف ورزی پر پاکستان پینل کوڈ کے تحت کارروائی ہوگی، نئے کار واش اسٹیشن بنانے پر پابندی کا عملدآمد فوری ہوگا۔
محکمہ ماحولیات کا کہنا ہے کہ پنجاب میں پانی کی قلت، ممکنہ خشک سالی کے پیش نظر یہ فیصلہ کیا گیا ہے، کیونکہ ایک گاڑی دھونے پر 400 لٹر پانی ضائع ہوجاتا ہے.
نئے سروس سٹیشن خشک سالی کو مزید سنگین کرکے ماحولیاتی، سماجی و اقتصادی مشکلات کا باعث بنیں گے۔
یاد رہے کہ لاہور ہائیکورٹمیںماحولیاتی آلودگی و تبدیلی سے متعلق رٹ درخواست میں واسا کے واٹر میٹر لگانے اور پنجاب میںماحولیاتی اتھارٹی کے اقدامات بارے بھی احکامات دئیے گئے ہیں.
