ویب نیوز:پریزیڈنٹ ٹرافی فرسٹ کلاس کرکٹ میں ایک ناپسندیدہ عالمی ریکارڈ قائم ہوگیا.
ایس این جی پی ایل کی ٹیم پی ٹی وی ٹیم کی جانب سے دئیے گئے انتہائی کم ہدف کے تعاقب میں ناکام رہی۔
پی ٹی وی اور ایس این جی پی ایل کے درمیان کھیلے گئے میچ میں پی ٹی وی کی ٹیم نے فرسٹ کلاس کرکٹ کی تاریخ میں سب سے کم سکور کا کامیاب دفاع کرکے تاریخ رقم کر دی۔
اس میچ میں ایس این جی پی ایل کو جیت کے لیے صرف 40 رنز کا ہدف ملا تاہم پوری ٹیم صرف 37 رنز بنا کر آؤٹ ہوگئی۔
اس طرح پی ٹی وی فرسٹ کلاس کرکٹ کی تاریخ میں کم ترین ہدف کا دفاع کرنے والی ٹیم بن گئی۔
اس میچ کے ساتھ 231 سال پرانا ریکارڈ بھی ٹوٹ گیا.
اس سے قبل 1794ء میں ایم سی سی کی ٹیم اولڈ فیلڈ کے خلاف 41 رنز کا ہدف حاصل کرنے میں ناکام رہی تھی۔
