لاہور: پنجاب لینڈ ریکارڈ اتھارٹی نے اسٹامپ پیپر کے حصول میں درپیش مشکلات کے پیش نظر رجسٹرڈ سم کی شرط ختم کر دی.
یہ شرط صرف اوورسیز پاکستانیوں کیلئے ختم کی گئی ہے، اوورسیز پاکستانیوں کو اسٹامپ پیپر کی خریداری پر او ٹی پی بذریعہ ای میل بھیجا جائیگا۔
قبل ازیںپنجاب لینڈ ریکارڈ اتھارٹی نے جعلسازی کی روک تھام اور شفافیت کو یقینی بنانے کیلئےاسٹامپ پیپرکے اجراء کے نئے طریقہ کارمیں رجسٹرڈ سم کی شرط رکھی۔جس پراو ٹی پی موصول ہونے پر ہی اسٹامپ پیپرکا اجراء کیا جا رہا ہے۔
نئی پالیسی سے اوورسیز پاکستانیوں کے پاس رجسٹرڈ سم نہیں ہونے سے اسٹامپ پیپرزکا اجراء بند ہو گیا تھا.جس پر پنجاب لینڈ ریکارڈ اتھارٹی نے نوٹس لیتے ہوئے اوور سیز کیلئے رجسٹرڈ سم کی شرط ختم کر دی ہے اور او ٹی پی بذریعہ ای میل بھیجا جائیگا۔
نئی اصلاحات سے اوورسیز کو اسٹامپ پیپر کے حصول میں درپیش مشکلات کا خاتمہ ہو گیا ہے۔
