لاہور: پنجاب بارکونسل کے انتخابات میں ووٹوں کی گنتی کا عمل مکمل کرلیا گیا،تمام پریزیڈنگ افسران کی جانب سے نتائج ایڈووکیٹ جنرل پنجاب آفس کو ارسال کر دئیےگئے ہیں،
ایڈووکیٹ جنرل پنجاب و چیئرمین پنجاب بار کونسل امجد پرویزحتمی اورسرکاری نتائج کا اعلان 6،7 اور 8 نومبر کو ڈویژن کے حساب سےکرینگے.
گزشتہ روز ہونےوالے پنجاب بار کونسل کے انتخابات میں ووٹوں کی گنتی کا عمل مکمل کرلیا گیا ایڈووکیٹ جنرل پنجاب امجد پرویز نے میڈیا سے گفتگو کرتے ہوئےکہا کہ سوشل میڈیا پر چلنے والے نتائج غیر مصدقہ ہیں.پریزیڈنگ افسران رزلٹ مکمل کرکے چیئرمین پنجاب دفتر کو بھیج رہے ہیں۔
چیئرمین پنجاب بار کونسل دفتر سے 6،7 اور 8 نومبرکو سرکاری نتائج جاری کیےجائیں گے.
چیئرمین پنجاب بارن کونسل نے کہا کہ امیداروں کی موجودگی میں سرکاری نتائج جاری کیے جائیں گے، گزشتہ روز ہونے والے پنجاب بار کونسل کے الیکشن میں مینوئل طریقے سے ووٹ کاسٹ کیے گئے تھے۔
مجموعی طور پرلاہورسمیت پنجاب بھر میں ایک لاکھ 32 ہزار سے زائد ووٹرز رجسٹرڈ تھے لاہور ڈویژن کی 20 نشستوں پر 93 جبکہ پنجاب بھر کی 75 نشستوں پر 332 امیدوار مقدمابل تھے.
انتخابات مکمل ہونے پر لیڈ رکھنے والے امیدوار جشن منارہے ہیںجبکہ بعض نشستوں پر معمولی فرق کی وجہ سے گومگو کی کیفیت برقرار ہے اور حتمی نتائج کا انتظار ہے.
