ملتان:جنوبی پنجاب میںسپریم کورٹ کے مقدمات کی ویڈیو لنک پر سماعت کے لئے ہائیکورٹملتان بینچ میں سہولت فراہم نہیں کرنے کے خلاف ہائیکورٹ ملتان بینچ میںاحتجاجی مظاہرہ منعقد کر کے دھرنا دیا گیا.
ملتان کے مرد و خواتین وکلاء کی بڑی تعداد نے سابق صدر ہائیکورٹ بار ایسوسی ایشن ملتان سید ریاض الحسن گیلانی کی قیادت میں احتجاج کیا.
اس موقع پر خطاب کرتے ہوئے سید ریاض الحسن گیلانی اور دیگر وکلاء کا کہنا تھا کہ دوسال کا طویل عرصہ گزرنے کے باوجود ملتان بنچ میں وڈیو لنک کی سہولت فراہم نہیں ہوسکی اور جنوبی پنجاب ہزاروں کےسائیلین کو اپنے مقدمات کی شنوائی کیلئے اسلام آباد جانا پڑتا ہے جس میں پیسے کے ساتھ ساتھ وقت بھی بہت ضائع ہوتا ہے۔
انہوں نے کہا کہ ملتان کے وکلاء سپریم کورٹ کے مقدمات کی سماعت بذریعہ ویڈیو لنک کرانے کے لیے دو بار سپریم کورٹ آف پاکستان کے سامنے دھرنا دے چکے ہیں اس کے علاوہ ہائیکورٹ لاہور میں بھی انہوں نے دھرنا دیا تھا اور مذاکرات کے بعد چیف جسٹس لاہور ہائی کورٹ کی جانب سے یقین دہانی کرائی گئی تھی۔کہ یہ سہولت بہت جلد فراہم کر دی جائے گی مگر تین ماہ گزرنے کے باوجود اس پر عمل نہیں ہو سکا.
وکلاءنے مزید کہا کہ دو چیف جسٹسسز کے درمیان انتظامی معاملات کی وجہ سے مبینہ طور پر یہ صورتحال پیدا ہو رہی ہے،جس کی وجہ سے جنوبی پنجاب کے ہزاروں وکلاء او رسائلین کو پریشانی کا سامنا ہے.
مظاہرے میں وکلاءنشید عارف گوندل، سید ذاکر نقوی، سید اقبال مہدی زیدی،سجاد حسین ٹانگرا، چوہدری عمر حیات ،خالد فاروق, ملک محمد نعیم اقبال، ملک جاوید چنڑ،رانا معراج خالد، ظفر اللہ وڑائچ، سجاد حسین سپرا، شاہد انصاری،ملک شاہد حسین,سید مصطفی عمران, سید مجتبی عثمان, محسن کاظمی, عمران محبوب, سمیرا صدیق ,نادرہ نور, فرزانہ سلیمان کنول اشرف,شمیم اختر ہنجرااور دیگر نے شرکت کی۔
