لاہور : گرین ٹاؤن میں غیرملکی خاتون کو ہراساں کرنے کے واقعے کی سی سی ٹی وی فوٹیج سامنے آگئی۔ نامعلوم شخص نےغیرملکی خاتون کو اس کے بیٹے کے سامنے ہراساں کیا۔
پولیس کے مطابق لاہور کے علاقے گرین ٹاؤن میں غیرملکی خاتون کو ہراساں کرنے کا واقعے کی سی سی ٹی وی فوٹیج حاصل کرلی گئی۔
ویڈیو میں دیکھا جاسکتا ہے کہ نامعلوم شخص غیرملکی خاتون کو اس کے بیٹے کے سامنے ہراساں کرتا کررہا ہے، خاتون کا کمسن بیٹا خوفزدہ ہوکر آگے کی جانب بھاگا،
پولیس کا کہنا ہے کہ کلوز سرکٹ کیمرے کی فوٹیج کے ذریعے ملزم کی شناخت کی کوششیں جاری ہیں، واقعے پر قانونی کارروائی عمل میں لائی جارہی ہے۔
غیر ملکی خاتون کی شکایت پر پولیس کی جانب سے فوری طور پر کارروائی شروع کر دی گئی ہے.
سماجی حلقوں کی جانب سے بھی ملک کی بدنامی کا باعث بننے والے ملزم کے خلاف سخت کارروائی کا مطالبہ کیا ہے.
