پنجاب کے ضلع گوجرانوالہ میں 2 بیٹیوں نے مبینہ طور پرباپ کو رسیوں سے باندھ کرآگ لگادی۔پولیس کے مطابق آگ سے جھلس کر متاثرہ شخص ہسپتال میں دم توڑ گیا جبکہ واقعے کا مقدمہ درج کرکے مقتول کی دونوں بیٹیوں کو گرفتار کرلیا گیا ہے۔
پولیس کا بتانا ہے کہ مقتول علی اکبر نے 3 شادیاں کر رکھی تھیں جس سے اس کے 10 بچے ہیں، مقتول کی پہلی بیوی وفات پاچکی ہے جب کہ مقتول 2 بیویوں اور بچوں کے ساتھ کرائے کے مکان میں رہتا تھا۔
پولیس کے مطابق مقتول کی دونوں بیٹیوں کی عمریں 16 اور 12 سال ہیں، مقدمے میں مقتول کی 2 بیٹیوں کے ساتھ دونوں بیویوں کو بھی نامزد کیا گیا ہے۔
گرفتار دونوں بہنوں نے پولیس کو دیے گئے بیان میں بتایا کہ والد سورہا تھا جس دوران انہوں نے والد کو رسیوں سے باندھا اور موٹر سائیکل سے پیٹرول نکال کرآگ لگادی۔
