اسلام آباد:وفاقی کابینہ میں 21 نئے وزراءاور وزرائے مملکت کی شمولیت ہوگئی، وزراء نے ایوان صدر میں ہونے والی تقریب میں حلف اٹھالیا،
تاہم مزید 3 کی شمولیت نہیںہو سکی ہے.اس طرح کل وزراءاور مشراء کی تعداد51 ہو گئی ہے.
حلف برداری کی تقریب ایوان صدر میں ہوئی جہاں صدر مملکت آصف علی زرداری نے نئے وزرا سے حلف لیا۔حلف برداری کی تقریب میں وزیراعظم شہبازشریف اور چیئرمین سینیٹ یوسف رضا گیلانی بھی موجود تھے۔جہاں 12 وفاقی وزراء اور 9 وزرائے مملکت نے حلف اٹھایا ہے۔ وفاقی کابینہ میں نئے تین مشیر بھی شامل کیے گئے ہیں۔
بطور وفاقی وزیر حلف لینے والوں میں حنیف عباسی، معین وٹو،مصطفیٰ کمال،سردار یوسف، اورنگزیب کچھی، رانا مبشر، رضا حیات ہراج، طارق فضل چوہدری، علی پرویزملک،شزا فاطمہ،جنید انور اور خالد مگسی شامل ہیں .
ان کے علاوہ طلال چوہدری، بیرسٹرعقیل ملک، ملک رشید،کھیئل داس کوہستانی، عبدالرحمان کانجو، بلال اظہرکیانی، مختاربھرت،عون چوہدری اور وجیہہ قمر نے بھی بطور وزیرمملکت حلف اٹھایا۔
ایک وفاقی وزیر اور 2 وزرائے مملکت آج حلف نہیں اٹھاسکے، اسلام آباد میں ٹریفک جام ہونے کی وجہ سے تینوں وزرا وقت پرنہ پہنچ سکے۔جن میں عمران شاہ نے آج وفاقی وزیر کا حلف اٹھانا تھا جب کہ شذرہ منصب اور ارمغان سبحانی نے بطور وزیرمملکت حلف اٹھانا تھا۔
وفاقی کابینہ میں وزیراعظم شہباز شریف کے نئے تین مشیر بھی شامل کیےگئے ہیں۔
اس طرح اب وفاقی وزراء کی تعداد 30، وزرائے مملکت کی تعداد 10، 4 معاون خصوصی، 3 مشیر،ایک ایڈوائزر اور4 کوارڈینیٹر شامل ہیں.
