پشاور: سٹیج اداکارہ منیبہ شاہ رکشہ میںجاتے رنگ روڈ پر نامعلوم افراد کی فائرنگ کے نتیجے میں جاں بحق ہوگئیں۔
پولیس کے مطابق فائرنگ کا واقعہ تھانا مچنی گیٹ کی حدود رنگ روڈ پیش آیا جہاں ملزموں نے رکشہ پر فائرنگ کی۔ پولیس نے بتایاکہ فائرنگ سے اسٹیج اداکارہ منیبہ شاہ جاں بحق ہوگئیں جبکہ رکشہ ڈرائیور زخمی ہوا جسے طبی امداد کیلئے ہسپتال منتقل کردیا گیا۔
پولیس کا کہنا ہے کہ ملزم فائرنگ کے بعد فرار ہوگئے تاہم شواہد اکٹھے کرکے ملزموں کی تلاش شروع کر دی گئی ہے۔
واقعہ کی تحقیقات کرنے کے ساتھ اداکارہ کی لاش پوسٹ مارٹم و دیگر ضروری کارروائی کے لئے ہسپتال منتقل کر دی گئی ہے.
