لاہور: پنجاب کابینہ کی جانب سے سیلاب متاثرین کے لیے امدادی پیکج کی منظوری دے دی گئی۔وزیراعلیٰ پنجاب مریم نواز کی زیر صدارت کابینہ اجلاس میں سیلاب اور ریسکیو آپریشن پربریفنگ دی گئی۔اجلاس میں کابینہ نے 171 نکاتی ایجنڈے کی منظوری دی۔
پنجاب کابینہ نے سیلاب متاثرین کیلئے امدادی پیکیج کی منظوری دے دی۔ جاں بحق افراد کے لواحقین کو 10 لاکھ روپے مستقل معذوری پر 5 لاکھ اور معمولی معذوری پر 3 لاکھ روپے دیے جائیں گے۔پکا گھر مکمل تباہ ہونے پر 10 لاکھ، جزوی نقصان پر 3 اورکچے گھر کی مکمل تباہی پر 5لاکھ روپے امداد دی جائے گی۔فصلوں کے 25 فیصد نقصان پر فی ایکڑ 20 ہزار روپے امداد کا اعلان کردیا گیا۔ صوبے کے2855 موضع جات میں آبیانہ اور ایگریکلچر انکم ٹیکس بھی معاف کر دیا گیا۔ سول ڈیفنس رضاکاروں کی تنخواہوں میں 15 ہزار روپے اضافہ کیا گیا ہے۔
وزیراعلیٰ پنجاب مریم نواز نے سیلاب متاثرین کو 17 اکتوبر سے امدادی رقوم کے چیک دینے کی منظوری دیدی۔
کابینہ اجلاس میں فیصلہ کیا گیا کہ بڑے مویشی پر 5 لاکھ تک اور چھوٹے جانوروں کے مرنے پر 50 ہزار روپے دیے جائیں گے، سیلاب کے دوران شاندار خدمات پر سول ڈیفنس رضاکاروں کی تنخواہوں میں 15 ہزار اضافے کا اعلان کیا گیا ہے۔
اجلا س میں پنجاب کے خلاف جھوٹ پھیلانے کے ٹرینڈ کی مذمت کرتے ہوئے کہا گیا ہے کہ سب سیلاب متاثرین کو امداد ملے گی اور دریا کی گزرہ گاہ میں تعمیرات کی اجازت نہیں ملے گی۔
