ویب نیوز: انٹرنیشنل کرکٹ کونسل (آئی سی سی) نے حارث رؤف اور صاحبزادہ فرحان کی پیشی کا فیصلہ سنا دیا۔کرکٹ ویب سائٹ کے مطابق قومی کرکٹر حارث رؤف پر میچ فیس کا جرمانہ عائد کردیا گیا جبکہ اشارے کرنے پر وارننگ بھی دی گئی۔
صاحبزادہ فرحان پر جرمانہ عائد نہیں کیا گیا تاہم بیٹ بندوق کی طرح لہرانے پر صرف وارننگ ملی ہے آئی سی سی نے دونوں کھلاڑیوں کو لیول ون جرم کا مرتکب قرار دیا۔
بھارتی ٹیم مینجمنٹ کی شکایت پر پاکستانی کھلاڑیوں کو طلب کیا گیا تھا، پاکستانی کرکٹرز کے خلاف شکایت کی سماعت ہوٹل میں ہوئی۔دوران سماعت کھلاڑیوں سے ان کے اشاروں پر سوال ہوئے۔ صاحبزادہ فرحان اور حارث رؤف نے الزامات مسترد کرتے ہوئے اپنا بھرپور دفاع کیا۔
صاحبزادہ فرحان نے گن سیلیبریشن کو اظہار مسرت قرار دیا جو اکثر کھلاڑی کرتے ہیں، کہا ایم ایس دھونی اور ویون رچرڈ بھی ماضی میں گن سیلیبریشن کر چکے ہیں۔ پاکستان میں خوشی کے اظہار کے لیے یہ اشارہ ایک روٹین ہے۔صاحبزادہ فرحان نے سماعت میں میچ ریفری کو لاجواب کردیا، ہم پٹھان ہیں، ہمارے ہاں ہر خوشی میں گن سیلیبریشن کی جاتی ہیں۔
حارث رؤف نے کہا کہ کسی کی دل آزاری کے لئے اشارے نہیں کیے، 0-6 کے اشارے میں قابل اعتراض بات کیا ہے؟ کہا حارث نے کہا چھکے کے لیے 6 اور صفر کے لیے 0 استعمال ہوتا ہے۔ بی سی سی آئی واضح کرے کہ میرے اشاروں کا مطلب لیا گیا ہے، بی سی سی ائی نے اشاروں کے الزام کی وضاحت نہیں کی، میرے خلاف عائد کردہ الزام مبہم ہے لہذا خارج کیا جائے۔
انٹرنیشنل کرکٹ کونسل( آئی سی سی) نے 14 ستمبر کو ایشیا کپ میں پاک بھارت میچ کے بعد پریزنٹیشن میں متازع گفتگو پر بھارتی کپتان سوریا کمار یادیو کو قصور وار قرار دے کر جرمانہ عائد کر دیا۔
ذرائع کا کہنا ہے کہ بھارتی کپتان پاکستانی شکایت پر کل آئی سی سی ریفری کے سامنے پیش ہوئے تھے تاہم آج آئی سی سی میچ ریفری رچی رچرڈ سن نے فیصلہ سنایا اور سوریا کمار پر سیاسی بیان دینے کا الزام ثابت ہوا ہے۔
ذرائع کے مطابق آئی سی سی نے بھارتی کرکٹ ٹیم کے کپتان سوریا کمار یادیو پر میچ فیس کا 30 فیصد جرمانہ عائد کیا ہے۔ذرائع کا کہنا ہے کہ سوریا کمار یادیو کے خلاف فیصلے کی تفصیلات جلد آئی سی سی جاری کرےگا۔
