اسلام آباد: وفاقی وزارت صحت نےخواتین کو سروائیکل کینسر سے بچاؤ کےلئے قومی ویکسینیشن مہم کا اعلان کردیا۔
وفاقی وزارت صحت کی خواتین کو رحم کےکینسرسےبچاؤکیلیے قومی ویکسینیشن مہم روان سال 15 ستمبر سے شروع ہوگی جو 27 ستمبر تک جاری رہے گی.
اس دوران 9 سے 14 سال تک کی بچیوں کو مفت ویکسین لگائی جائے گی،ابتدائی طور پر و یکیسین مہم پنجاب، سندھ ،آزاد جموں و کشمیر اور اسلام آباد میں ہوگی۔
بچیوں کو ایچ پی وی ویکسین لگانےکے لئے،اسلام آباد کے سکولوں میں ایک لاکھ 46 ہزار لڑکیوں کو ویکسین لگانے کا ہدف مقررکیا گیا،ڈی ایچ او اسلام آبار راشدہ بتول کا کہنا ہےکہ اسکولوں مدارس ویکسینیشن سینٹرز اورصحت مراکزمیں بھی ویکسین کا انتظام کیاجائےگا،دوسرےمرحلےمیں خیبرپختونخوا اور دیگر اضلاع میں مہم کا آغاز کیا جائے گا۔
ماہرین کے مطابق سروائیکل کا کینسر خاموش کینسر ہوتا ہے،بروقت تشخیص نہیں ہونے سے مرض جان لیوا بن جاتا ہے۔جس سے بچاؤ کے لئے بروقت علاج اور ویکسین ضروری قرار دی گئی ہے.
خیال رہے کہ حالیہ نئی ریسرچ میںپلاسٹک سےپھیلنے والی آلودگی مادر رحم تک پہنچنے اور کینسر کے امراض بڑھنے کے ساتھ مردوں میں بانجھ پن کا باعث بھی قرار دیا گیا ہے.
