لاہور: پنجاب بھر میں نہم جماعت کے نتائج کا اعلان کردیا گیا۔
بورڈآف انٹرمیڈیٹ اینڈ سیکنڈری ایجوکیشن راولپنڈی، فیصل آباد، ملتان، سرگودھا، ڈی جی خان، بہاولپور، گوجرانوالہ، ساہیوال اور لاہور نے نتائج کا اعلامیہ جاری کیا۔
اعلامیے کے مطابق راولپنڈی میں 53657 اُمیدوار کامیاب ہوئے اورکامیابی کا تناسب 42.06 فیصد رہا، 72312 اُمیدوار امتحان میں ناکام ہوئے جبکہ 2055 طلبا غیر حاضر رہے۔
اعلامیے کے مطابق راولپنڈی میں 409 داخلہ فارم منسوخ کیے گئے، امتحان میں 62332 طلبا اور 63357 طالبات شریک ہوئیں۔
لاہور بورڈ نے جماعت نہم کے سالانہ امتحانات کے نتائج کا اعلان کیا جس کے مطابق امتحانات میں 3 لاکھ 8 ہزار امیدواروں نے شرکت کی جس میں سے ایک لاکھ 38 ہزار امیدواروں نے کامیابی حاصل کی جبکہ ایک لاکھ 69 ہزار امیدوار ناکام رہے۔ امتحانات میں کامیابی کا تناسب 45 فیصد رہا۔
سائنس گروپ میں 56.68 فیصد طالبات اور 30.48 فیصد طلبا کامیاب ہوئے جبکہ آرٹس گروپ میں 46.75 فیصد طالبات اور 21.50فیصد طلبا کامیاب ہوئے۔
ملتان تعلیمی بورڈ میںایک لاکھ 44 ہزار 582 طلبا و طالبات نے پرچے دیے اور 69 ہزار 169 پاس ہو سکے۔
تعلیمی بورڈ بہاولپور نے نہم کلاس کے سالانہ امتحانات کے نتائج کے مطابق ایک لاکھ 10 ہزار 437 امیدواروں نے حصہ لیا جس میں سے 47 ہزار 574 امیدواروں نے امتحان میں کامیابی حاصل کی۔
ڈی جی خان بورڈ کے کل 1 لاکھ 4 ہزار 248 طلباء میں سے 55 ہزار 31 پاس ہوئے۔
گوجرانوالہ بورڈ کے سائنس گروپ کے 1 لاکھ 89 ہزار 150 میں سے 91 ہزار 926 پاس، جبکہ آرٹس گروپ کے 67 ہزار 495 میں سے 29 ہزار 594 پاس ہوئے۔
فیصل آباد بورڈ میںسائنس گروپ کے 72 ہزار 485 میں سے 37 ہزار 293 پاس، جبکہ آرٹس گروپ کے 23 ہزار 842 میں سے 9 ہزار 698 پاس ہوئے۔
سرگودھا بورڈ میں ریگولر طلباء 91 ہزار 139 میں سے 41 ہزار 176 پاس، پرائیویٹ 16 ہزار 348 میں سے 6 ہزار 112 پاس ہوئے۔
ساہیوال بورڈ کے کل 89 ہزار 339 طلباء میں سے 36 ہزار 94 پاس ہو سکے۔
