لاہور:نواحی علاقہ مانگا منڈی میں ظالم باپ نے نشہ کیلئے پیسے نہیں ملنے پر سات ماہ کے کمسن بیٹے کا گلہ کاٹ دیا، پولیس کے مطابق ہسپتال میں متاثرہ کمسن بچے سالار کی حالت تشویشناک ہے۔
پولیس کے مطابق متاثرہ بچے کو طبی امداد کیلئےہسپتال منتقل کردیا گیا ہے،پولیس نے زخمی کی والدہ کی مدعیت میں اقدام قتل کی دفعات کے تحت مقدمہ درج کرکے اس کے شوہر ملزم ناصر کو حراست میں لے لیا ہے.
ملزم ناصرساہیوال کا رہائشی ہے، بیوی اور بیٹے کے ساتھ لاہور آیا تھا ، جہاں ملزم نے رشتہ داروں سے نشے کیلئے رقم کا مطالبہ کیا تھا، اور انکار کرنے پر ملزم ناصر نے اپنے سات ماہ کے بیٹے کی گردن پر چھری چلا دی۔
بچے کوزخمی حالت میںہسپتال منتقل کیا گیا، جہاںاس کا علاج جاری ہے، تاہم ڈاکٹروںکے مطابق بچے کی حالت تشویشناک ہے.
