بہاولپور: نواحی علاقہ کرنا بستی میں 70سالہ بزرگ خاتون بھوک سے جاں بحق ہوگئی، دوسری بہن کی حالت بھی تشویشناک ہے.
اہل علاقہ کے بلانے پر ریسکیو ٹیم گھر پہنچی توایک خاتون جاں بحق جبکہ دوسری کو تشویش ناک حالت میں ہونے پر فوری بہاول وکٹوریہ ہسپتال منتقل کردیا گیا۔
ریسکیو کے مطابق دونوں بزرگ بہنیں عرصہ دراز سے گھر میں اکیلی رہ رہی تھیں جن میں مرنے والی خاتون کی عمر ستر سال جبکہ بیہوش خاتون کی عمر ساٹھ سال ہے۔
ریسکیو ٹیموں کے گھر میں داخل ہوتے ہیں خاتون کو ابتدائی طبی امداد دی گئی اور فوری طور پر کھانا فراہم کیا گیا، جس کے بعد دونوں کو بہاول وکٹوریہ ہسپتال منتقل کردیا گیا۔
اہل علاقہ کے مطابق دونوںخواتین غیر شادی شدہ ہیںاور ان کے ساتھ گھر میں کوئی وارث نہیں تھا۔دونوںکا ایک بھائی بھی تھا، جو کافی عرصہ سے لاپتہ ہے.
