لاہور:وزیرِاعلیٰ پنجاب مریم نواز شریف کی زیرِصدارت صوبائی کابینہ کا 23 واں اجلاس منعقدہوا ،اجلاس میں90 نکات پر غور کیاگیا، جبکہ متعدداہم فیصل کئے گئے.
صوبائی کابینہ کا پنجاب میں انڈسٹریلائزیشن کیلئے اہم فیصلہ کی منظوری دی گئی.مریم نواز کاکہنا ہے کہ سرمایہ کار آئیں،انڈسٹری لگائیں،کام کریں، کاغذی کارروائی بعد میں ہوگی۔اس طرح سپیشل اکنامک زون انڈسٹریل سٹیٹ،سمال انڈسٹریل سٹیٹ کیلئے”زیرو ٹائم ٹو سٹارٹ پالیسی“ کی منظوری دی گئی.مریم نواز نے کہاکہ پنجاب میں صنعتکاروں کو بزنس کیلئے ہر قسم کی آسانی دینا چاہتے ہیں۔جتنی انڈسٹری لگا سکتے ہیں لگائیں،فوری طورپر این او سی ملے گا۔انڈسٹری لگانے کیلئے مشکل پراسس کو آسان اور بزنس فرینڈلی بنائیں گے۔
ماس ٹرانزٹ سسٹم میں سپیشل افراد اورسینئر سٹیزن کیلئے مفت سفر کی سہولت کی منظوری دینےکے ساتھ طلبہ کیلئے خصوصی سٹوڈنٹ ٹریول کارڈ متعارف کرانے کی تجویز پر اتفاق کیاگیا.وزیراعلیٰ مریم نوازشریف نے ٹرام سروس شروع کرنے کیلئے پلان بھی طلب کرلیا.
کینسر کے مریضوں کی کیموتھراپی کے متبادل”کرایو بلیشن“مشین کیلئے 580 ملین کے فنڈز کی منظوری دی گئی.وزیراعلیٰ مریم نوازشریف کا کینسر کا جدید طریقہ علاج بھی متعارف کرانے کا فیصلہ بھی کیاگیا.
پنجاب بھر میں سپیشل ایجوکیشن سینٹرز کو سینٹر آف ایکسیلنس بنانے کیلئے فنڈز کی منظوری دی گئی. وزیراعلیٰ مریم نوازشریف نےسپیشل ایجوکیشن مراکز کو سپیشل افراد کیلئے فرینڈلی اور بہتر بنانے کی ہدایت کی،پنجاب میں سپیشل افراد کیلئے خصوصی ٹرانسپورٹ متعارف کرانے کا اصولی فیصلہ بھی کیاگیا.
پنجاب میںامن عامہ کو یقینی بنانے کے لئے5 ہزار 960 کانسٹیبل بھرتی کرنے کی منظوری بھی دی گئی،ماس ٹرانزٹ اتھارٹی کو127 بھرتیوں کیلئے پابندی میں نرمی کی منظوری بھی دی گئی.چائلڈپروٹیکشن اینڈ ویلفیئر بیورو میں 87 آسامیوں پر بھرتیوں کی منظوری دینے کے ساتھ بیسک اینڈ کلینکل سائنسز کیلئے عمر کی حد 65 سال کرنے کی منظوری اورسپیشلائزڈ ہیلتھ کیئر اینڈ میڈیکل ایجوکیشن کے آئی سی ٹی میں 25 آسامیوں پر بھرتی کی منظوری دینے کے ساتھ تونسہ اور منکیرہ کے 4 دانش سکولوں میں سٹاف کی بھرتی کی منظوری دی گئی،اس طرح فارسٹ ڈیپارٹمنٹ میں خالی آسامیوں پر بھرتی کیلئے ضمنی گرانٹ کی منظوری،جبکہ مری میں ٹریفک مینجمنٹ پلان کے تحت 500 آسامیوں پر بھرتیوں کا اصولی فیصلہ کیاگیا.
پنجاب میں ایکسل روڈ مینجمنٹ سسٹم کے نفاذ کیلئے موٹروہیکل آرڈیننس 1965میں ترمیم کی منظوری دی گئی،جبکہ وزیراعلیٰ مریم نوازشریف سڑکوں پر گڑھے فوری طور پر پر کرنے کی ہدایت بھی کی ہے.
پنجاب کابینہ نےنگہبان رمضان پیکیج کیلئے 30 ارب روپے کی منظوری دی، جس سے 30 ملین افراد مستفید ہوں گے،مریم نواز نے کہا کہ اس طرح پنجاب میں اگلے سال سے نگہبان رمضان پیکیج کا اے ٹی ایم کارڈ متعارف کرایا جائے گا. جس سے پنجاب میں پہلی مرتبہ عوام کو لائنوں میں نہیں لگنا پڑے گا گھر بیٹھے 10 ہزار روپے ملے گا۔
کسانوںکومزید ریلیف دینے کے لئےگندم کے کاشتکاروں کیلئے لینڈ لیور کی جگہ بھی ایک ہزار مفت ٹریکٹر دیئے جائیں گے ،جس کی منظوری دے دی گئی.
پنجاب میں ریسکیو 1122کی سروسز کی 353 گاڑیوں کی مرحلہ وار تبدیلی کا فیصلہ کیاگیا،پہلے مرحلے میں 117 ریسکیو 1122 ایمبولینس مہیا کی جائیں گی.
