راولپنڈی:کلرسیداں میں قائم ایک مدرسے میں مبینہ طور پر تشدد سے 9 سالہ طالب علم جاں بحق ہوگیا.
پولیس زرائع نے بتایا کہ کلرسیداں میں مبینہ تشدد سے جاں بحق ہونے والے بچے کا تعلق جنوبی پنجاب کے علاقہ بھکر سے ہے اور کلرسیداں کے گاؤں نلہ مسلماناں کے مدرسے میں زیر تعلیم تھا.
متوفی بچے کی شناخت 9 سالہ محمد فیضان کے نام سے ہوئی ہے۔
پولیس زرائع نے مزید بتایا کہ بچے کو طبیعت ناسازی کے بہانے ڈسٹرکٹ ہسپتال منتقل کیا گیا تھا اور بچے کے والدین کو اطلاع دی گئی تھی، تاہم والدین کے پہنچنے سے پہلے ہی بچہ دم توڑ چکا تھا۔
پولیس زرائع کے مطابق مبینہ طور پر تشدد کرنے والا قاری موقع سےفرار ہو گیا.
