لاہور: پنجاب حکومت نے نئی موٹر ٹرانسپورٹ پالیسی جاری کر دی۔
پنجاب حکومت کی نئی موٹر ٹرانسپورٹ پالیسی کے حوالے سے محکمہ سروسز اینڈ جنرل ایڈمنسٹریشن ڈیپارٹمنٹ (ایس اینڈ جی اے ڈی) کی جانب سے باقاعدہ نوٹیفکیشن جاری کر دیا گیا۔
نوٹیفکیشن کے مطابق موٹر ٹرانسپورٹ پالیسی کو صوبائی کابینہ کی منظوری کے بعد نافذ کیا گیا ہے۔
نئی پالیسی کے تحت الیکٹرک گاڑیوں کی خریداری محکمہ خزانہ کی منظوری سے مشروط ہو گی۔
پالیسی میں مزید کہا گیا کہ گریڈ 17 سے اوپر کے تمام افسران کو سرکاری گاڑیاں فراہم کی جائیں گی۔
اس کے علاوہ تمام افسران کے لیے پیٹرول کی ماہانہ حد میں 25 لیٹر اضافہ کر دیا گیا ہے۔
حکومت کے مطابق نئی پالیسی کا مقصد سرکاری ٹرانسپورٹ کے نظام کو مؤثر اور جدید خطوط پر استوار کرنا ہے۔
