ویب نیوز: سنوکر ٹیم ورلڈ کپ 2025 میں پاکستان نے ہانگ کانگ کو شکست دے کر ٹائٹل جیت لیا ہے۔
مسقط میں کھیلے جارہے آئی بی ایس ایف ٹیم ورلڈ کپ کے فائنل میں پاکستان اور ہانگ کانگ کے درمیان بیسٹ آف فائیو فریمز کا مقابلہ پاکستان نے 2-3 سے جیت لیا۔
قومی کیوئسٹ اسجد اقبال اور محمد آصف پر مشتمل پاکستانی ٹیم نے ہانگ کانگ کے چاؤ ہون مین اور نیسن وان کو شکست سے دو چار کیا۔
فائنل میں محمد آصف نے دونوں سنگلز میچز اپنے نام کیے، پہلے سنگلز میں اسجد اقبال کو چاو ہو مان نے زیر کیا اور ہانگ کانگ کو برتری دلائی لیکن دوسرے سنگلز میں محمد آصف نے 82 کا بریک کھیلتے ہوئے مقابلہ برابر کردیا۔
اسجد اقبال نے فیصلہ کن میچ میں کامیابی حاصل کرکے پاکستان کو ٹائٹل جتوایا۔ اسجد اقبال نے بیسٹ آف فائیو کے آخری میچ میں 104 پوائنٹس کا بریک مارا۔
یہ محمد آصف کے کیرئیر کا مجموعی طور پر ساتواں ورلڈ ٹائٹل ہے جس میں تین ٹیم ٹائٹل، تین انفرادی ورلڈ ٹائٹلز اور ایک ورلڈ ماسٹرز کا ٹائٹل شامل ہے۔
ڈبلز میں ہانگ کانگ کی جوڑی کامیاب رہی اور تین ۔ دو کی برتری حاصل کرلی۔ ریورس سنگل میں پہلے محمد آصف نے 100 کا بریک کھیل کر چاو ہو مان کو اور پھر اسجد اقبال نے 104 کا بریک کھیل کر نانسین وان کو مات دی اور پاکستان کو تین۔دو کی کامیابی دلائی۔
