ملتان:اینٹی کرپشن اسٹیبلشمنٹ ملتان ریجن کے سرکل آفیسر وہاڑی منصور خان نے گریڈ 19کےپرنسپل آفیسر ایگریکلچر مظہر کلیم کو 70 ہزار روپے رشوت لیتے ہوئے اینٹی کرپشن ٹیم محرر تھانہ اینٹی کرپشن ابوبکر کے ساتھ ریڈ کر کے رنگے ہاتھوں گرفتار کر لیا .
ملزم مظہر کلیم نے سرکاری کاغذات میں ہیرا پھیری کرانے کےلیےرشوت طلب کی تھی، جس کورنگے ہاتھوں گرفتار کر لیا. ترجمان اینٹی کرپشن وزیر خان لاشاری اسسٹنٹ ڈائریکٹر ٹو ریجنل ڈائریکٹر اینٹی کرپشن ملتان کا کہنا ہے کہ ڈائریکٹر جنرل اینٹی کرپشن پنجاب سہیل ظفر چٹھہ نے تمام ریجنل ڈائریکٹرز کو ہدایات جاری کی ہیں کہ وہ تمام بدعنوان اور کرپٹ عناصر کو ہر قیمت پر گرفتار کر کے انصاف کے کٹہرے میں لائیں تاکہ ان کو نشان عبرت بنایا جا سکے.تمام افسران کرپشن فری پنجاب کے لیے جدوجہد کررہے ہیں،عوام بلاخوف کرپٹ عناصر کی نشاندہی کریں انہیں ضرور نشان عبرت بنایا جائے گا. حکومت پنجاب کے زیرو ٹالرنس پالیسی اور ڈائریکٹر جنرل پنجاب کہ ویژن پر سختی سے عمل پیرا ہے.
دریںاثناء سرکل آفیسر اینٹی کرپشن مظفرگڑھ محمد رمضان نے کوٹ ادو میںتحصیل دفترکے قریب واقع چائے کے ہوٹل پر شہری اعجاز حسین سے وراثت کے نام میںدرستگی کے لئے 14 ہزارروپےرشوت وصول کرتے ہوئےنیب تحصیلدار میاںاصغر کو رنگے ہاتھوںگرفتارکرکے تھانہ اینٹی کرپشن مظفر گڑھ میںمقدمہ درج کرلیاہے.
