405119 5823349 updates

تھرپارکر : گرمی کی شدت میں‌ اضافے سے 8 روز میں 100 سے زائد مور ہلاک

تھرپارکر : صحرا میں گرمی کی شدت سے مزید 12 مور ہلاک ہوگئے، علاقہ مکینوں کے مطابق ان دنوں تھرپارکر میں شدید گرمی پڑ رہی ہے جس کے باعث مور ہلاک ہورہے ہیں۔

علاقہ مکینوں نے بتایا کہ مور نگرپارکر کے دیہات اجروئی، مگھن ساند، نیباڑو اور بھراؤ میں ہلاک ہوئے جب کہ گرمی کی شدت سے 8 دنوں میں ہلاک موروں کی تعداد 112 ہوگئی ہے۔

اس حوالے سے ڈپٹی ڈائریکٹر پولٹری نے بتایا کہ تحصیل مٹھی کے 4 دیہاتوں میں ٹیم نے وزٹ کیا ہے، علاقہ مکینوں کو موروں کو پانی میں پاؤڈر نما ادویات دینے کا کہا گیا ہے۔

ڈپٹی ڈائریکٹر پولٹری نے کہا کہ مور پانی کی کمی اور گرمی کی شدت سے بیمار پڑجاتے ہیں جب کہ ہماری ٹیم محکمہ وائلڈ لائف کی ہدایات کے مطابق فیلڈ میں کام کرتی ہے۔

خیال رہے کہ ماہ اپریل میں‌بھی تھر پارکر میں شدید گرمی اور پانی کی کمی سے 65 مور ہلاک ہو گئے تھے.

اس کے علاوہ گزشتہ برس صرف ماہ جون میں تھرپارکر میں شدیدگرمی سے 25 مور ہلاک ہوئے تھے.

اپنا تبصرہ لکھیں