ویب نیوز: قانون کی حکمرانی میں پاکستان کی ایک درجہ تنزلی ہو گئی ،ورلڈ جسٹس پراجیکٹ نے رول آف لاء انڈیکس جاری کر دیا۔
ورلڈ جسٹس پراجیکٹ کی جانب سے جاری رول آف لاء انڈیکس کی رپورٹ کےمطابق 143 ممالک کی فہرست میں قانونی کی حکمرانی کے لحاظ سے پاکستان 130 ویں نمبر پر ہے.
رپورٹ کے مطابق ڈنمارک مسلسل پہلے نمبر پر ہے، اس کے بعد ناروے، فن لینڈ اور سویڈن سب سے زیادہ قانون پسند ممالک قرار پائےہیں۔پہلے10 ممالک میں سے نیوزی لینڈ اور 9 یورپی ریاستیں شامل ہیں۔
دوسری جانب امریکا کی درجہ بندی 27 ویں نمبر پر آ گئی ہے، فہرست میں برطانیہ 14 نمبر پر جبکہ چین 92 ویں نمبر پر پہنچ کر قدرے بہتر ہوا ہے۔ پاکستان بدستور 130 ویں نمبر پر موجود ہے جبکہ بھارت 79 ویں پوزیشن پر رہا۔
فہرست کے آخر میں وینزویلا 143 ویں جبکہ افغانستان 142 ویں نمبر پر شامل ہیں، روس اور سوڈان نے بھی نمایاں گراوٹ دکھائی ہے۔
رپورٹ کےمطابق دنیا کے بیشتر ممالک میں قانون کی بالادستی کمزور ہوئی ہے،جہاں 68فیصد ممالک نےگزشتہ سال کے مقابلے میں زوال دکھایا۔
پورٹ میں کہا گیا ہے کہ دنیا بھر میں حکومتی طاقت پر پابندیوں میں کمی اور آمریت کے رجحانات کے باعث قانون کی حکمرانی خطرے میں ہے۔
