کراچی: پاکستان کے دریاؤں اور آبی ذخائر کی صورتحال بتدریج بہتری کی جانب گامزن ہو گئی ہے، جس پر واپڈا نے دریاؤں، ڈیمز اور بیراجوں میں پانی کی تازہ ترین صورتحال کے اعدادو شمار جاری کردیئے ہیں۔
واپڈا کی جانب سے جاری رپورٹ کے مطابق دریائے سندھ میں تربیلا کے مقام پر پانی کی آمد 17 ہزار کیوسک اور اخراج 20 ہزار کیوسک ہے، جبکہ دریائے کابل میں نوشہرہ کے مقام پر پانی کی آمد اور اخراج 17 ہزار 600 کیوسک ہے۔
اس رپورٹ کے مطابق دریائے جہلم میں منگلا کے مقام پر آمد 18 ہزار 600 کیوسک اور اخراج 15 ہزار کیوسک ہے، نیز چناب میں مرالہ کے مقام پر آمد 11 ہزار 100 کیوسک اور اخراج 6 ہزار 100 کیوسک ہے۔
واپڈا اعدادوشمار کے مطابق تربیلا ڈیم میں پانی کی موجودہ سطح 1410 فٹ اور منگلا ڈیم میں پانی کی موجودہ سطح 1089.5 فٹ ہے، او تربیلا، منگلا و چشمہ ریزوائر میں قابل استعمال پانی کا مجموعی ذخیرہ 3 لاکھ 97 ہزار ایکڑ فٹ ہو گیا ہے۔
