لاہور: پنجاب کے مختلف شہروں میں چلنے والی میٹرو بسوں کے کرایوں میں 33 فیصد اضافہ کر دیا گیا۔
پنجاب ماس ٹرانزٹ اتھارٹی کے مطابق کرایوں میں اضافے کا اطلاق 26 مارچ 2026ء سے ہو گا.
اس ضمن میں تمام بی آر ٹی لائنز بشمول پاکستان میٹرو بس کے کرایوں میں 10 روپے کا اضافہ کیا گیا ہے۔
دوسری جانب کرایے بڑھنے سے ریڈ میٹرو بس کا ملتان، راولپنڈی اور لاہور میں کرایہ 40 روپے کر دیا گیا۔
علاوہ ازیں پنجاب ماس ٹرانزٹ اتھارٹی نے یہ بھی واضح کیا کہ گرین ٹرانسپورٹ کارڈ رکھنے والے 15 روپے رعایت حاصل کرکے صرف 25 روپے میں ٹکٹ حاصل کر سکیں گے۔
