چشتیاں: افسوسناک حادثہ میںسابق صدر بار چشتیاں آفتاب گجر ایڈووکیٹ کو فائرنگ کر کے بے دردری سے قتل کر دیا گیا، وکلاء تنظیموںنے مذمت کرتے ہوئے ملزموں کو گرفتار کر کے کیفر کردار تک پہنچانے کا مطالبہ کیاہے. 
پولیس کے مطاق بار ایسوسی ایشن چشتیاں کے سابق صدر چوہدری آفتاب گجر کو ذاتی دشمنی کی آڑ میں نامعلوم افراد نے فائرنگ کرکے قتل کردیا ہے۔واقعہ کی اطلاع پر ریسکیو 1122 نے میت کو تحصیل ہسپتال پہنچایا، جبکہ ڈی ایس پی چشتیاں چوہدری محمد اکمل بسرا اور سینکڑوں وکلاء و شہری ہسپتال پہنچ گئے.
تھانہ بخش خاں بہاولنگر میںممتاز احمدنے مقدمہ درج کرایا کہ وہ اپنے بھائی آفتاب گجر ایڈووکیٹ کے ہمراہ اپنے بھٹہ خشت پر موجود تھا کہ ملزموںنے اپنے خلاف مقدمہ کی پیروی کرنے پر مزہ چکھانے کا کہتے ہوئے بے دردی سے سر پر فائرنگ کردی، جس سے بھائی موقع پر جاںبحق ہو گیا.
