وزیر اعلیٰ پنجاب مریم نواز شریف نے بہاؤالدین زکریا یونیورسٹی ملتان میں ہونہار سکالر شپ پروگرام کی تقریب میں شرکت کی۔ وزیر اعلیٰ مریم نواز شریف نے تقریب کے دوران سٹوڈنٹ کی طرف سے تحفے میں ملنے والی اجرک اپنی چادر اتار کر اوڑھ لی۔
وزیر اعلیٰ مریم نواز شریف طالبات کے درمیان بیٹھ گئیں اور شرکا ء کے پاس جاکر خود سلام کیا۔ بصارت سے محروم سپیشل طالبہ نے فلوٹ کی دھن پر قومی ترانہ پیش کیا۔ وزیر اعلیٰ مریم نواز شریف نے خود سٹیج پر جاکر طالبہ کا ہاتھ پکڑ کر نشست پر لے آئیں۔
وزیر اعلیٰ مریم نواز شریف نے تلاوت اور نعت کی سعادت پیش کرنے والے طلبہ سے اظہار شفقت کیا۔ وزیر اعلیٰ مریم نواز شریف نے ہونہار سکالر شپ حاصل کرنے والے طلبہ میں چیک تقسیم کیے۔ وزیر اعلیٰ مریم نواز شریف نے ہر طالب علم اور طالبہ کو شاباش دی اور اظہار شفقت کیا۔ ہونہار سکالر شپ حاصل کرنے والے طلبہ کو وزیر اعلیٰ مریم نواز شریف کی ہدایت پر گارڈ آف آنر پیش کیا گیا۔ پنجاب پولیس کے چاق و چوبند دستے نے ہونہار سکالر شپ حاصل کرنے والے طلبہ کو جنرل سلامی دی۔ تقریب ہونہار سکالر شپ سے متعلق خصوصی ڈاکومنٹری پیش کی گئی۔ جھنگ اور مظفرگڑھ کے دو طلبا نے سرائیکی میں وزیر اعلیٰ مریم نواز شریف کا شکریہ ادا کیا۔ تقریب سے صوبائی وزیر تعلیم رانا سکندر حیات نے خطاب کیا۔ تقریب کے آخر میں وزیر اعلیٰ مریم نواز شریف طلبہ کے درمیان گِھر گئیں۔ وزیر اعلیٰ مریم نواز شریف نے طلبہ کے ساتھ سیلفی بنوائیں اوران سے بات چیت کی۔ وزیر اعلیٰ مریم نواز شریف کافی دیر تک طلبہ کے درمیان موجود رہیں۔
