اسلام آباد: کریڈٹ کارڈ سے خریداری کرنےوالےنان فائلرز کا ایف بی آر نے کریڈٹ کارڈ ٹرانزیکشنز کا ریکارڈ جمع کرنا شروع کر دیا۔
کریڈٹ کارڈ سےماہانہ 2 لاکھ سے زیادہ شاپنگ کرنےوالوں کے گرد گھیرا تنگ کردیا گیا،انکم ٹیکس ریٹرن میں کریڈٹ کارڈ سےشاپنگ کی تفصیلات بھی دینا ہوں گی،کمرشل بینکوں نے کریڈٹ کارڈ استعمال کرنے والوں کا ڈیٹا شیئر کرنا شروع کر دیا۔
حکام کےمطابق کریڈٹ کارڈ اخراجات کےذریعےنان فائلرزکی حقیقی آمدن کا پتہ لگایا جائے گا، ڈیڈ لائن گزرنے پرآن لائن پیمنٹ یابزنس کرنےوالےنان فائلرزکےخلاف کارروائی ہوگی،کریڈٹ کارڈ کےذریعےلاکھوں کے اخراجات کرنےوالوں کونوٹسزبھیجےجائیں گے،گوشوارے میں تمام بینک ٹرانزیکشنز کی درست معلومات دینا ضروری ہے۔
ایف بی آرحکام کاکہنا ہےکہ ٹیکس دہندگان 15 اکتوبر تک ایمانداری کےساتھ ٹیکس گوشوارے جمع کرائیں، ٹیکس گوشوارے جمع کرانے کی توسیع شدہ ڈیڈ لائن میں مزید توسیع نہیں ہوگی، ایف بی آر نے ٹیکس نادہندگان کو ایس ایم ایس ٹیکسٹ میسج بھیجنا شروع کر دیئے۔
آن لائن خریداری یا ادائیگی کرنے والے نان فائلرز کا ریکارڈ اکٹھا کرنے کے بعد کارروائی عمل میںلائی جائےگی.
