نمائندگان: لاہور، ملتان، بہاولپور، ساہیوال ، فیصل آباد ، سرگودھا ، گوجرانوالہ اور راولپنڈی کے تعلیمی بورڈز نے میٹرک کے سالانہ امتحانات کے نتائج کا اعلان کردیا۔
لاہور بورڈ میں قصور سے تعلق رکھنے والی حرم فاطمہ نے 1193 نمبر لے کر پہلی پوزیشن حاصل کی۔ ننکانہ صاحب کے نجی سکول کی طالبہ نورالہدی اور ابوذر نے 1188 نمبر لے کر دوسری جبکہ لاہور کے نجی سکول سے تعلق رکھنے والے محمد علی نے 1187 نمبر لے کر تیسری پوزیشن حاصل کی۔
لاہور بورڈ میں میٹرک امتحانات میں 65 فیصد امیدوار کامیاب ہوئے،2 لاکھ لاکھ 54 ہزارامیداروں نے امتحانات میں شرکت کی۔ ایک لاکھ 65 ہزارامیدوارامتحانات میں کامیاب ہوئے جبکہ 88 ہزار طلبا امتحانات میں فیل ہوئے۔سرکاری سکولوں کے71 فیصد طلبا کامیاب ہوئے، نجی سکولوں کے 86 فیصد طلبا کامیاب ہوئے، سائنس گروپ میں مجموعی طورپر69 فیصد، آرٹس 52 فیصد طلبا پاس ہوئے۔
ملتان بورڈ کے امتحانات میںایک لاکھ 25 ہزار امیدوار شریک ہوئے۔ تعلیمی بورڈ ملتان کے مطابق دنیا پور کے طالب علم ہارون حامد نے 1193 نمبر لے کر پہلی، حسینہ فاطمہ نے 1188 نمبر لے دوسری پوزیشن حاصل کی۔ حافظہ عشبہ فاطمہ نے 1187 نمبر لے کر تیسری پوزیشن حاصل کی، اسبہا فاطمہ، میرب فاطمہ اور خدیجہ بھی 1187 نمبر لے کر تیسری پوزیشن کی حق دار ٹھہریں۔
بہاولپور تعلیمی بورڈ میں چشتیاں کی طیبہ امین نے میٹرک کے امتحانات میں 1185 نمبرز لے کر پہلی پوزیشن حاصل کر لی۔ ہارون آباد کے عبداللہ رشید نے 1182 نمبرز لے کر دوسری، چشتیاں کی علیزے لیاقت نے 1181 نمبرز لے کر تیسری پوزیشن حاصل کی۔ میٹرک کے پہلے سالانہ امتحان میں 91643 امیدواروں نے حصہ لیا، سائنس مضامین میں 80491 اور آرٹس کے 11152 امیدوار شامل ہوئے۔
ساہیوال تعلیمی بورڈ کے میٹرک سالانہ امتحانات 2025 کے نتائج کے مطابق 71,789 طلبہ و طالبات نے امتحان دیا جن میں سے 48,680 نے کامیابی حاصل کی، اور کامیابی کا تناسب 67.81 فیصد رہا۔محمد فیضان نے 1185 نمبروں کے ساتھ بورڈ میں ٹاپ کیا جبکہ ام رومان نے 1187 نمبروں کے ساتھ دوسری پوزیشن حاصل کی اور فیضان فرید نے 1189 نمبروں کے ساتھ تیسری پوزیشن حاصل کی۔
فیصل آباد تعلیمی بورڈ نے بھی میٹرک سالانہ امتحانات 2025 کے پوزیشن ہولڈرز کے ناموں کا اعلان کردیا۔ تینوں پوزیشنیں نجی سکولوں کے طلبہ و طالبات نے حاصل کیں۔محمد معیز قمر نے 1189 نمبروں کے ساتھ بورڈ میں ٹاپ کیا، ماہم ممتاز نے 1187 نمبروں کے ساتھ دوسری پوزیشن حاصل کی جبکہ میرب ورک نے 1186 نمبروں کے ساتھ تیسری پوزیشن حاصل کی۔
سرگودھا تعلیمی بورڈ نے بھی میٹرک امتحانات 2025 میں پوزیشن حاصل کرنے والے طلبہ و طالبات کے ناموں کا اعلان کیا جس کے مطابق نجی سکول کی طالبہ مروہ سہیل نے 1187 نمبروں کے ساتھ پہلی پوزیشن حاصل کی۔گورنمنٹ ہائی سکول قمرمشانی کے طالب علم سراج خان نے 1186 نمبروں کے ساتھ دوسری پوزیشن حاصل کی اور اسد، مبین، اور منیب الرحمن نے 1184 نمبروں کے ساتھ مشترکہ طور پر تیسری پوزیشن حاصل کی۔
گوجرانوالہ میں سائنس اور آرٹس گروپ میں 19 امیدواروں نے مختلف پوزیشنز حاصل کی جبکہ لڑکیوں نے مجموعی طور پر 7 پوزیشنز لیکر میدان مار لیا اور لڑکے مجموعی طور پر تین پوزیشنز حاصل کرسکے۔3 امیدواروں شفایت رسول، علیشہ زیب اور فاطمہ شریز نے 1200 سے میں 1187 نمبر لیکر مجموعی طور پر پہلی پوزیشن حاصل کی۔محمد موہد اور محمد عبداللہ نے 1186 نمبر لیکر مجموعی طور پر دوسری پوزیشن حاصل کی اور پانچ امیدواروں نے 1185 نمبر لیکر مجموعی طور پر تیسری پوزیشن حاصل کی۔
راولپنڈی بورڈ میں لارنس کالج گھوڑا گلی کے طالبعلم محمد عثمان نے 1188 نمبرز لے کر پہلی پوزیشن حاصل کی جبکہ پنجاب گرلز سکول تلہ گنگ کی طالبہ بسمہ علی 1177 نمبرز لے کر دوسرے نمبر پر رہیں اور بحریہ فاؤنڈیشن گرلز سکول چکوال کی طالبہ مریم شہزادی نے 1175 نمبرز لے کر تیسری پوزیشن لی۔
وزیرتعلیم پنجاب رانا سکندرحیات نےکہاسائنس گروپ میں لڑکیوں کی کامیابی کا تناسب 81، لڑکوں کا 74 فیصد رہا،آرٹس میں لڑکوں کا 47، لڑکیوں کا 70 فیصد سے زائد ہے۔
وزیرتعلیم پنجاب رانا سکندرحیات لاہوربورڈ کےپوزیشن ہولڈر طلباء سےخطاب کرتے ہوئے کہامیٹرک امتحانات میں کامیابی کا تناسب کم ہوا ہے،لاہورمیں اب نقل نہیں ہورہی،ایسےنجی اسکولزکی پوزیشن آئیں جنہیں کوئی نہیں جانتا تھا،پہلےایسےنجی اسکولزکو پوزیشن نہیں ملی کیونکہ بڑے نجی اسکولزسامنےآجاتےتھے ۔رانا سکندرحیات نےکہا لڑکے نالائق ہورہے ہیں جن پر محنت کی ضرورت ہے،لڑکوں کی کوشش ہوتی تھی امتحانی سنیٹر میں سیٹنگ بنا کر نمبر حاصل کرلوں،ہم نے نقل روکی تو لڑکے مشکل میں ہیں۔
صادق آباد کے علاقے کی طالبہ بھارتی کانا رام نے بہاولپور بورڈ میں آرٹس گروپ فیمیل میں دوسری پوزیشن حاصل کی،ہندو کمیونٹی کی طالبہ کا والد شوز پالش کا کام کرتا ہے. طالبہ نے کہا کہ ان کے والد نے صرف بچوں کی تعلیم پر زور دیا اور کوششیں کیں.
ننکانہ صاحب کے رہائشی طالبعلم نےلاہوربورڈ میں تیسری پوزیشن حاصل کرلی۔ملک فیضان رضا نے لاہور بورڈ کے میٹرک امتحانات میں 1186 نمبروں کے ساتھ تیسری پوزیشن حاصل کر لی,اس حوالے سےملک فیضان رضا کا کہنا ہے کہ اس کی کامیابی اساتذہ کی محنت اور والدین کی دعاؤں کا نتیجہ ہے۔فیضان نےبتایاکہ شاہ کوٹ کےسرکاری سکول سے تعلیم حاصل کی،والد سبزی فروش ہیں،تعلیم پر بہت محنت کی، فیضان کے والدکا کہنا ہےکہ بچے نےخود محنت کی،سرکاری سکول میں بھی پوزیشن لی جا سکتی ہے۔
