گولڈن جوبلی پاکستان واپڈا انٹر یونٹ ہاکی چیمپئن شپ کا 21 جنوری سے ملتان میں آغاز ہو گا،جس کے لئےٹیکنیکل پینل کا اعلان بھی کر دیاگیاہے.تفصیل کے مطابق گولڈن جوبلی پاکستان واپڈا انٹر یونٹ ہاکی چیمپئن شپ کی میزبانی ملتان کو مل گئی۔متی تل آسٹروٹرف ہاکی سٹیڈیم پر 21 جنوری تا 28 شیڈول میگا ایونٹ میں اولمپیئن،قومی و بین الاقوامی کھلاڑی شرکت کریں گے۔پاکستان ہاکی فیڈریشن نے 50ویں واپڈا انٹر یونٹ ہاکی چیمپئن شپ کے لیے ٹیکنیکل پینل کی تقرری کا اعلان بھی کر دیا ہے۔اس چیمپئن شپ کا مقصد قومی سطح پر ہاکی کو فروغ دینا اور کھلاڑیوں کی صلاحیتوں کو نکھارنے کے ساتھ نئے ٹیلنٹ کو سامنے لاناہے۔ہاکی فیڈریشن کے مطابق،ٹیکنیکل پینل کےآفیشلز میں چوہدری خالد محمود (جنرل منیجر میپکو) کو ٹورنامنٹ ڈائریکٹر مقرر کیا گیا ہے۔اسسٹنٹ ٹورنامنٹ ڈائریکٹرز کی حیثیت سے منصور الحق (واپڈا) اور کاشف علی (پی آئی اے) اپنی خدمات انجام دیں گے۔اس طرحامپائرز،مینیجر اور ٹورنامنٹ آفیسرز میںامپائرز منیجرکامران شریف چوہدری (ملتان) جبکہ اسسٹنٹ امپائرز مینیجر کے طور پر ملک اصغر اعوان (خوشاب) ذمہ داریاں سنبھالیں گے۔ٹورنامنٹ آفیسرز میںہارون سعید (ڈی جی خان)، مرزا جاوید (بہاولنگر)، ایم ارشد (واپڈا)، عبد المالک (گوجرہ)، سید غلام مجتبیٰ (ننکانہ)، علی رضا (ملتان)، محمد غضنفر عباس (ملتان)، ذوالفقار علی (میپکو جاوید صادق (رحیم یار خان)، اور قیصر رضا (ملتان) شامل ہیں۔امپائرزمیںہارون رشید (پشاور)، منیر احمد (فیصل آباد)، نوید اصغر (فیصل آباد)، اسد عباس (آرمی)، فہد علی خان (کراچی)، ایم سلیم (آرمی)، فرحان سلیم (آرمی)، اور غفران (آرمی) تعینات کیے گئے ہیں۔ٹورنامنٹ آرگنائزرمیں سیکرٹری حیدر عثمان اٹھنگل (میپکو ملتان) ہوں گے۔دریںاثناءٹورنامنٹ سے متعلق بریفنگ اجلاس 20 جنوری 2025ءکو ہوگا۔امپائرز اور ٹورنامنٹ آفیسرز کا اجلاس شام 4 بجے جبکہ مینیجرز، کپتان اور کوچز کا اجلاس شام 5 بجے منعقد ہوگا۔واضح رہے کہ یہ چیمپئن شپ پاکستان میں ہاکی کی ترقی کی جانب ایک اہم قدم ہے اور اس سے نئے ٹیلنٹ کو سامنے لانے میں مدد ملے گی۔
