لاہور:پاکستان ریلوے نے رعایتی پالیسی میں بڑی تبدیلی کرتے ہوئے تمام رعایتوں پر 50 فیصد کی حد مقرر کر دی۔
ترجمان ریلوے کے مطابق تمام رعایتوں پرزیادہ سے زیادہ 50 فیصد کی حد مقرر کر دی گئی،رعایتی پالیسی کا اطلاق سال میں 10سنگل سفروں تک ہو گا.
صحافیوں کو دی جانے والے 80 فیصد رعایت بھی کم کر کے 50 فیصد کرنے کے ساتھ ٹرینوں اور سفر کی حدبھی محدود کر دی گئی ہے.
صحافیوں کی شریک حیات کودی جانے والی50 فیصد رعایت فوری طور پر ختم کر دی گئی ہے۔
یہ سہولت تمام ٹرینوں اورکلاسز پر دستیاب ہو گی،تاہم گرین لائن،پاک بزنس،شاہ حسین ایکسپریس اورآؤٹ سورسڈ ٹرینیں اس رعایت سےمستثنیٰ ہوں گی.
