ویب نیوز:اسلام آباد ہائیکورٹ کے جسٹس محسن اختر کیانی نے شوہر کی اپیل پر سماعت کے دوران ریمارکس دیئے کہ بیوی کو دیا گیا تحفہ واپس نہیں لیا جا سکتا۔
اسلام آباد ہائیکورٹ میں گزشتہ روز جسٹس محسن اختر کیانی نے شہری محمد شعبان کی جانب سے دائر درخواست کی سماعت کی۔
دروان سماعت جسٹس محسن اختر کیانی نے ریمارکس دیے کہ بیوی کو دیا گیا تحفہ بھی واپس نہیں لیا جا سکتا۔
جسٹس محسن نے کہا کہ یہ تو تھوک کر چاٹنے والی بات ہے، دیا ہوا تحفہ واپس نہیں لیا جاتا،
بیوی سے تحفہ واپس لینے کی ایسی کوئی روایت بھی موجود نہیں، اور اسلام بھی اس کی اجازت نہیں دیتا۔
بعد ازاں عدالت نے شوہر کی اپیل پر فیصلہ محفوظ کرلیا۔
