اسلام آباد: ہائیکورٹ نے ایمان مزاری اور ہادی علی چٹھہ کیخلاف متنازع ٹویٹ کیس میں شہادتیں دوبارہ ریکارڈ کرنے کا حکم دیدیا۔
جسٹس اعظم خان نے ریمارکس دئیے کہ کیس کے میرٹس پر جائے بغیر شہادتیں تین روز میں دوبارہ ریکارڈ کرنے کی ہدایت کر رہے ہیں ۔
ریاست علی آزاد ایڈووکیٹ نے استدعا کی ہم نے سپریم کورٹ کےآرڈر سمیت ریکارڈ لگانا ہے وقت دیا جائے۔سینئر وکیل فیصل صدیقی آئندہ سماعت پر دلائل دیں گے ۔
جس پر جسٹس اعظم خان نے قرار دیا کہ سپریم کورٹ نے ہمیں درخواست پر جلد فیصلہ کرنے کا حکم دیا ہے ۔
وکیل نے مؤقف اپنایا سپریم کورٹ نےدونوں فریقین کو سن کر فیصلے کا کہا ۔ فیئرٹرائل ملزمان کا آئینی حق ہے مناسب موقع دیا جائے ۔ اسسٹنٹ اٹارنی جنرل نے کہا عدالت کے سامنے تمام ریکارڈ موجود ہے فیصلہ کیا جا سکتا ہے ۔ یہ کیس میں تاخیر کی ایک اور کوشش ہے ۔
جسٹس اعظم خان نے کہا عدالت حاضری میں استثنیٰ اسی لئے ہوتا ہے کہ ٹرائل متاثر نہ ہو، اس لئے ہم کیس کے میرٹس پر نہیں جا رہے اور فریقین کی رضامندی سے شہادتیں دوبارہ ریکارڈ کرنے کی ہدایت کی جاتی ہے ۔
