لاہور:پاکستان کرکٹ بورڈ (پی سی بی)نے پاکستان،جنوبی افریقہ اور نیوزی لینڈ کے درمیان ہونے والی تین ملکی ون ڈے سیریز کی تفصیلات جاری کردیں۔
نئی شکل کے ساتھ قذافی سٹیڈیم پاکستان،نیوزی لینڈ اور جنوبی افریقہ کے میچوں کی میزبانی کرے گا،اپ گریڈ نیشنل بینک سٹیڈیم کراچی،پاکستان اور جنوبی افریقہ کے میچ کے علاوہ فائنل بھی منعقد کرے گا۔واضح رہےکہ اس سے قبل یہ میچز ملتان سٹیڈیم میںکھیلے جانے تھے،لیکن ملتان سسٹیڈیم کے انٹرنیشل ہونے کے باوجود تمام میچز یہاںسےمنتقل کرکے شائقین کرکٹ کو مایوس کر دیاگیاہے.
یہ سیریز سنگل لیگ کی بنیاد پر 8 سے 14 فروری تک کھیلی جائے گی،جس کے ابتدائی دو میچز لاہور کے قذافی سٹیڈیم میں ہوں گے جبکہ آخری لیگ میچ اور فائنل کراچی کے نیشنل بینک سٹیڈیم میں کھیلے جائیں گے۔
پاکستان اور نیوزی لینڈ کے درمیان سیریز کا آغاز ہفتہ 8 فروری کو قذافی سٹیڈیم میں ہوگا جو ڈے اینڈ نائٹ ہو گا جبکہ پیر 10 فروری کو نیوزی لینڈ کا مقابلہ جنوبی افریقہ سے ہوگا۔ان دو میچوں کے بعد پاکستان 12 فروری کو نیشنل بینک سٹیڈیم میں ڈے نائٹ میچ میں جنوبی افریقہ سے مقابلہ کرے گا،جو مقامی وقت کے مطابق دوپہر دو بجے شروع ہوگا،فائنل جمعہ 14 فروری کو کھیلا جائے گا جو ڈے اینڈ نائٹ ہو گا۔
نئے تیار ہونے والے قذافی سٹیڈیم میں تماشائیوں کی گنجائش بڑھا دی گئی ہے،پورے سٹیڈیم میں نئی کرسیاں لگائی گئی ہیں اور نشریاتی معیار کو بڑھانے کے لیے 480 جدید ترین ایل ای ڈی لائٹس نصب کی گئی ہیں، جو دنیا بھر کے شائقین کے لیے دیکھنے کے بہترین تجربے کو یقینی بنائیں گی۔ تماشائیوں کے تجربے کو مزید بلند کرنے کے لیے دو بڑی ڈیجیٹل ری پلے سکرینز بھی نصب کی گئی ہیں۔
نیشنل بینک سٹیڈیم میں بھی نمایاں اضافہ کیا گیا ہے،جس میں یونیورسٹی اینڈ پر کھلاڑیوں اور آفیشلز کے لیے ایک نیا ہاسپٹلیٹی انکلوژر بھی شامل ہے۔براڈکاسٹ کوریج کو بہتر بنانے کے لیے 350 ایل ای ڈی لائٹس لگائی گئی ہیں،جو عالمی ناظرین کو بہترین منظر پیش کریں گی۔دو ڈیجیٹل ری پلےسکرینز کے علاوہ تماشائیوں کے آرام کو بڑھانے کے لیے 5000 نئی کرسیاں لگائی گئی ہیں۔
