نمائندگان: پنجاب کے مختلف اضلاع میں تیز بارشوں کے باعث دریاؤں کی سطح بلند ہوگئی۔
ذرائع کے مطابق پنجاب کے ڈیرہ غازی خان اور تونسہ میں دریائےسندھ سے متاثرہ علاقوں کا زمینی راستہ منقطع ہوگیا، جس کے نتیجے میں 7 ہزار سے زائد لوگ اور 100 سے زائدبستیاں سیلابی پانی میں گھرگئیں۔
ڈی جی خان میں تونسہ کے مقام پر کچے کے علاقے زیرِ آب آگئے جس کے نتیجے میں 70 سے زائد بستیاں، پل اور سڑکیں متاثر ہوئیں۔بتایا جارہا ہے کہ کچے کے علاقے میں مقیم 150سے زائد لوگوں کو ریلیف کیمپوں میں منتقل کردیا گیا ہے۔
ادھر خیرپور ٹامیوالی میں حفاظتی بند ٹوٹ گیا جس سے آس پاس سینکڑوں ایکڑ پر محیط فصلیں تباہ ہونے کا خدشہ پیدا ہوگیا، صورتحال نے علاقہ مکینوں کو پریشان کردیا ہے۔
اس طرحعلی پور، لیہ، راجن پور سمیت دیگر دریائی علاقوں میں بھی پانی کی سطح بلند ہونےسے کٹاؤ شروع ہو گیا ہے اور فصلیںزیر آب آ رہی ہیں.
دریاؤںمیں طغیانی کے باعث جنوبی پنجاب کے دریائی علاقوں میںمقیم افراد محفوظ مقامات پر منتقل ہونا شروع ہو گئے ہیں.
