جنوبی افریقی سرزمین پر ٹیسٹ جیتنا پاکستانی ٹیم کا خواب پورا نہیں ہو سکا

پاکستان کا افریقی سرزمین پر ٹیسٹ جیتنا خواب پورانہیں ہو سکا، جنوبی افریقا نے مسلسل تیسری ٹیسٹ سیریز میں وائٹ واش کردیا۔ کیپ ٹا ؤ ن میں کھیلے گئے دوسرے ٹیسٹ میچ میں جنوبی افریقا نے پاکستان کو 10 وکٹوں سے شکست دے کر سیریز 0-2 سے اپنے نام کی۔
فالوآن کے بعد دوسری اننگزمیں پاکستانی بیٹرز نے رنز تو بنائے لیکن میچ نہیں بچاسکے، چوتھے روز دوسری اننگز میں پاکستانی ٹیم 478 رنز بناسکی اور جنوبی افریقا کو جیت کے لیے 58 رنز کا ہدف دیا۔ اس طرح جنوبی افریقا نے 58 رنز کا معمولی ہدف باآسانی حاصل کیا، افریقی سرزمین پر پاکستان مسلسل نواں ٹیسٹ میچ ہار گیا۔جس سے پاکستانی شائقین مایوس نظر آئے۔