لاہور: پنجاب کے تعلیمی بورڈز نے 9ویں اور 10ویں جماعت کے طلباء کیلئے تعلیمی سال 2025ء سے 2027ء تک کے لیے نظرثانی شدہ رجسٹریشن فیس کا شیڈول جاری کر دیا ہے۔
نئی فیس کے مطابق، کل رجسٹریشن فیس بڑھا کر 2910 روپے کر دی گئی ہے جو کہ پہلے کے مقابلے میں زیادہ ہے،رجسٹریشن فیس 1100 روپے ، پراسیسنگ فیس 630 روپے، بورڈ ڈیولپمنٹ فنڈ 300 روپے، سکالرشپ فیس 180 روپے، سپورٹس فیس 200 روپے کر دی گئی ہے ۔
اس کے علاوہ، پہلے بھی بیشتر پرائیویٹ سکولز اپنی جانب سے 500 روپے الگ سے وصول کرتے ہیں۔ مزید برآں، سکول دیگر خدمات کے نام پر 300 سے 500 روپے اضافی بھی لے سکنے کا امکان موجود ہے۔ نئی فیس سرکاری اور نجی دونوں اداروں پر لاگو ہو گی،رجسٹریشن کا عمل 29 مئی 2025ء سے بغیر لیٹ فیس کے شروع ہوگا، تاہم 30 مئی سے 13 جون کے درمیان رجسٹریشن کرانے والے طلباء کو 600 روپے لیٹ فیس ادا کرنا ہوگی۔
رجسٹریشن کے لیے صرف وہی طلباء اہل ہوں گے جن کی عمر یکم اگست 2025 تک کم از کم 11 سال 2 ماہ ہو۔ رجسٹریشن کا عمل آن لائن مکمل ہوگا تاہم سکولز کو رجسٹریشن دستاویزات کی ہارڈ کاپی متعلقہ بورڈ میںجمع کرائیںگے.
