اسلام آباد: نیشنل سائبر کرائم انویسٹی گیشن ایجنسی کے اسلام آباد سرکل نے کارروائی کرتے ہوئے اے ٹی ایم فراڈ کرنے والے گینگ کی مرکزی ملزمہ عاصمہ منہاج سمیت دو ملزموں کو گرفتار کر لیا۔
این سی سی آئی اے کی ٹیم نے گینگ کی مرکزی ملزمہ عاصمہ منہاج کو چنیوٹ سے گرفتار کیا، مرکزی ملزمہ کی نشاندہی پر اسلام آباد کے علاقے مہرآبادی سے بھی گینگ کا ایک کارندہ گرفتار ہوا۔
آپریشن کے دوران کئی اے ٹی ایم اور ڈیبٹ کارڈزسمیت دیگر سامان بھی برآمد کیا گیا۔
این سی سی آئی اے کے مطابق یہ گروہ اے ٹی ایم بوتھس پر اے ٹی ایم کارڈ کی تبدیلی میں ملوث تھا، ملزمان متاثرین کے بینک اکاؤنٹس سے بھی نقد رقم نکالتے تھے.
زرائع کے مطابق فراڈ نیٹ ورک کے خلاف کریک ڈاؤن جاری ہے اور مزید گرفتاریاں بھی متوقع ہیں۔
