وائرس سامنےآنے کےبعد لوگوں کی بڑی تعداد نے ہسپتالوں کا رخ کرلیا ہے، بڑی تعداد میں متاثرین کی اطلاعات سامنے آرہی ہیں۔بین الاقوامی خبر رساں ادارے کی رپورٹ کے مطابق اس وائرس کا نام ہیومن میٹاپنیو وائرس ہے جو لوگوں کو بری طرح متاثر کررہا ہے، اس سے متاثر ہونے والوں کو نزلہ اور کورونا جیسی علامات کی شکایات ہیں۔
میڈیا رپورٹس کے مطابق چائنہ میں یہ وائرس تیزی سے پھیل رہا ہے، ہسپتال مریضوں سے بھر گئے ہیں، جبکہ بڑی تعداد میں ہلاکتوں کی اطلاعات ہیں۔غیر ملکی میڈیا کا کہنا ہے کہ ایچ ایم پی وی میں نزلے جیسی علامات عام ہیں اور یہ کورونا جیسی علامات بھی پیدا کر سکتا ہے۔
چائنا میں صحت سے متعلق حکام کے مطابق وائرس کے پھیلنے کے ساتھ ہی صورتِ حال پر گہری نظر رکھے ہوئے ہیں۔سوشل میڈیا پر گردش کرنے والی ویڈیوز میں دیکھا جاسکتا ہے کہ ہسپتالوں میں وائرس سے متاثرہ افراد کی بہت بڑی تعداد موجود ہے۔انٹرنیٹ صارفین کا کہنا ہے کہ انفلوئنزا، ایچ ایم پی وی، نمونیا، ٹائیفائڈ، ڈینگی اور کورونا وائرس کی مکس اقسام سے مل کر یہ خطرناک وائرس پھیل رہا ہے۔
واضح رہے کہ دنیا بھر میں لاکھوں لوگوں کی موت کا سبب بننے والے کورونا وائرس نے چین سے شروع ہوکر دنیا بھر لاکھوں افراد کو متاثر کیا تھا۔
