اسلام آباد: پاکستان نے اقوام متحدہ کو 2035ء تک کے نئے قومی ماحولیاتی اہداف پیش کر دیئے۔
ان نئے اہداف کے حصول کیلئےاقوام متحدہ سے 565 ارب 70 ڈالر کلائمیٹ فنانسنگ کا مطالبہ بھی کیا گیا ہے۔
اقوام متحدہ کو پیش کی گئی دستاویز کے مطابق 2035ء تک پاکستان کاربن کا اخراج 2559 سے کم کرکے 1280 ملین ٹن تک لے آئے گا۔ کاربن کے اخراج میں اپنے وسائل سے 17 فیصد کمی کی جائے گی جبکہ 35 فیصد کمی 565ارب 70 کروڑ ڈالر کی فنانسنگ اور ٹیکنالوجی فراہمی سے مشروط ہے ۔
اس طرحاگلے 10 سال کے دوران پاکستان میں 38 ہزار میگاواٹ قابل تجدید اور صاف توانائی کی شمولیت متوقع ہے۔
دستاویز کے مطابق پاکستان میں 2030ء تک 30 فیصد نئی گاڑیاں الیکٹرک ہوں گی، 3 ہزار الیکٹرک چارچنگ سٹیشنز قائم کرنا بھی اہداف میں شامل ہے۔
اقوام متحدہ کی زیلی کمیٹی کی جانب سے دستاویز کا جائزہ لے کر فنانسنگ کی تجاویز دی جائیںگی.
