اسلام آباد: وفاقی کابینہ نے ای او بی آئی پنشنرز کو خوشخبری سنادی.
ای او بی آئی پنشنرز کے لئے بڑی سہولت کا اعلان کرتے ہوئے پنشن میں 15 فیصد اضافے کی منظوری دے دی گئی، جبکہ کم از کم پنشن 10 ہزار روپے سے بڑھا کر 11 ہزار 500 روپے ماہانہ کر دی گئی ہے۔
وفاقی وزیر چوہدری سالک حسین نے بتایا کہ یکم ستمبر سے ای او بی آئی پنشنرز کو بقایاجات سمیت ادائیگیاں شروع کر دی جائیں گی۔ان کے مطابق ای او بی آئی ہر ماہ پنشن کی مد میں 10 ارب روپے جاری کرے گا جبکہ طویل سروس رکھنے والے پنشنرز کو اب 30 ہزار روپے سے زائد ماہانہ پنشن مل سکے گی۔
چوہدری سالک حسین کا کہنا ہے کہ حکومت محنت کش طبقے کی فلاح و بہبود اور سماجی تحفظ کے لیے بھرپور اقدامات کر رہی ہے اور یہ اضافہ اسی عزم کی ایک کڑی ہے۔
مزید برآں، وفاقی کابینہ نے گھریلو ملازمین اور زرعی مزدوروں کو بھی ای او بی آئی میں شامل کرنے کے لیے خصوصی کمیٹی تشکیل دے دی ہے۔
مذکورہ کمیٹی کی جانب سے تجاویز کے بعد گھریلو ملازمین اور زرعی مزدورںکی رجسٹریشن کے بعد پہلی بار پنشن دی جائے گی .
