کراچی:رواں برس ماہ مئی سے اگست کے دوران کتے کے کاٹے سے ریبیز کا شکار 6 افراد انتقال کرگئے.
ہسپتال حکام کے مطابق انتقال کر جانے والے 3 افراد جناح ہسپتال جبکہ 3 کورنگی کے ٹرسٹ ہسپتال میں زیر علاج تھے.
حکام کا بتانا ہے کہ سندھ بھر میں رواں سال اب تک ریبیز سے اموات کی تعداد 14 ہو چکی ہے۔
ہسپتال حکام کے مطابق رواں سال سندھ بھر میں اب تک کتے کے کاٹے کے 22 ہزار سے زائد کیسز رپورٹ ہو چکے ہیں۔
جن میں سے 14 افراد انتقال کر چکے ہیں، جبکہ رواںبرس کتے کے کاٹنے سے ریبیز کا شکار ہونے والے کی تعداد گزشتہ برسوں کی نسبت بہت زیادہ ہے.
