ایبٹ آباد: گلیات کے سیاحتی مقامات پر کراچی سے آئے میاں بیوی کو جعلی کرنسی سمیت گرفتار کر لیا گیا۔
تھانہ چھانگلہ گلی میں تاجروں کو جعلی کرنسی دینے والے میاں بیوی کو گرفتار کر کے ایک لاکھ 36 ہزار روپے کی جعلی کرنسی برآمد کر لی گئی.
ایس ایچ او چھانگلہ گلی زبیر خان کی جانب سے کارروائی کرتے ہوئے کراچی سے سیاحت کی غرض سے آنے والے ابرار ولد شوکت علی اور اس کی بیوی نے اشیاء کی خریداری پر متعدد تاجروں کو جعلی نوٹ دئیے، جس کی شکایت پر ایبٹ آباد پولیس نے بروقت کاروائی عمل میں لاتے ہوئےدونوں میاں بیوی کو گرفتار کر کے ملزموں کے قبضے سے ایک لاکھ 36 ہزار روپے کی جعلی کرنسی نوٹ برآمد کر لیے.
پولیس نے ملزموں کے خلاف زیر دفعات 489B/489C کے تحت مقدمہ درج کر کے تفتیش کا آغاز کر دیا ۔
