نمائندگان: اگلے 12 گھنٹوں میں دریائے چناب سے 10 لاکھ کیوسک کاریلا متوقع ہونے کی وجہ سے 3لاکھ سے زائد افراد کےمتاثر ہونےکاخدشہ ہے،ملتان بھر میں 1 لاکھ 19 ہزار 715 سے زائد سیلاب متاثرین محفوظ مقامات پرمنتقل ہوگئے۔
پنجاب کےدریاؤں میں سیلابی صورتحال برقرار ہے،23 اضلاع میں بستیاں اور دیہات زیرآب آگئے،اب تک 25 افراد لقمہ اجل بن چکے،چودہ لاکھ سے زیادہ افراد متاثر ہیں۔
دریائےستلج ہیڈ گنڈا سنگھ والا کےمقام پرتین دہائیوں کی خطرناک صورتحال ہے،بہاؤ تین لاکھ سے تجاوز کرگیا،لاہور شہر سے سیلاب کا خطرہ ٹل گیا جبکہ قصور شہر خطر ےمیں ہے،انتظامیہ نے تلوار پوسٹ سےملحقہ دیہات خالی کرالیے،چونیاں میں کھمبے دریا برد ہونے سے بجلی کی سپلائی بندہے،اوکاڑہ،بہاولنگر، پاکپتن،بورے والا اور وہاڑی میں بھی ہزاروں افراد متاثر ہیں،بند ٹوٹنےسے پانی آبادیوں میں داخل ہوگیا،کہروڑ پکا کےمتعدد علاقے ڈوب گئے،ہیڈ سلیمانکی پر پانی کا بہاؤ ایک لاکھ اڑتیس ہزار کیوسک تک جا پہنچا۔
ملتان کی حدود میں آج شام تک سیلاب کا بڑا ریلا داخل ہونے کا امکان ہے، سیلاب کے خدشے کے پیش نظر 3 لاکھ سے زائد افراد کی نقل مکانی کا سلسلہ جاری ہے۔ ملتان میں دریائے چناب کا خطرناک ریلا آج شام تک داخل ہوسکتا ہے۔ شہری آبادی کو بچانے کے لیے ہیڈ محمد والا پر بریچ کا فیصلہ کیا گیا ہے۔
ملتان کی حدود میں سیلاب کے خطرے کی وجہ سے 3 لاکھ سے زائد افراد کی جانب سے نقل مکانی کا سلسلہ جاری ہے۔ متاثرین کشتیاں کم ہونے اور مویشیوں کی منتقلی کے انتظامات نہ کرنے پر انتظامیہ سے شکایت کر رہے ہیں۔
ادھر جلالپور پیر والا کے قریب دریائے ستلج سے 50 ہزار کیوسک پانی گز ر رہا ہے،جس سے 140 دیہات متاثر ہوئے۔دوسری جانب راجن پور میں اونچے درجے کے سیلاب کے پیش نظر نشیبی علاقوں سے لوگ نقل مکانی کرگئے جبکہ بہاولپور میں دریائےستلج کے کناروں پر نشیبی علاقوں کے مکینوں کی نقل مکانی جاری ہے۔
اس کے علاوہ فیصل آباد کی تحصیل تاندلیانوالہ میں سیلابی صورتحال کے پیش نظر ہائی الرٹ ہے اور دریائی اور نشیبی علاقوں کے مکینوں کی جانب سے محفوظ مقامات پر منتقلی جاری ہے۔
واضح رہے کہ پنجاب میں سیلاب سے متاثرہ علاقوں میں ریسکیو حکام، مقامی رضا کاروں، پاک فوج اور پاکستان رینجرز کی جانب سے امدادی کارروائیاں جاری ہیں۔ دریائے راوی میں پانی کے بہاؤمیں نمایاں کمی ریکارڈ کی جارہی ہے،شاہدرہ پرپانی کابہاؤمزید کم ہوکر ایک لاکھ 38 ہزارکیوسک پر آگیا،اسی طرح جسڑ کےمقام پربہاؤ 78ہزار تین سو کیوسک رہ گیا،شاہدرہ اور سائفن کےمقام پراونچےدرجےکاسیلاب ہے،لاہورکی نواحی آبادیاں سیلاب کی زدمیں ہیں،جہاں معتدد علاقے زیر آب آگئے،ہیڈ بلوکی پردباؤ بڑھ گیا،جہاں ایک لاکھ 97 ہزار 170 کیوسک کا ریلابہہ رہا ہے،ہیڈ بلوکی کے 51 تمام گیٹ کھول دیے گئے۔
دریائےچناب میں چنیوٹ برج پربہاؤ بتدریج کم ہورہا ہے،فلڈ فورکاسٹنگ ڈویژن کےمطابق اس برج پر 6 لاکھ 14ہزار 6 سو نوے کیوسک کا ریلا ہے،دریائےچناب میں ہیڈ مرالہ کےمقام پربہاؤ ایک لاکھ ایک ہزار چھ سوچالیس ریکارڈ کیا جارہاہے،دریائےستلج میں گنڈا سنگھ والا پر اونچےدرجے کاسیلاب برقرار ہے۔جہاں پر 3 لاکھ 3 ہزار 828 کیوسک کا سیلابی ریلاہے۔
