اسلام آباد: ورلڈ بینک نے فضائی آلودگی کے خاتمے کے لئے پاکستان کے لیے 300 ملین ڈالر قرض کی منظوری دے دی ہے۔
ورلڈ بینک کی جانب سے جاری اعلامیے کے مطابق مذکورہ قرض صوبہ پنجاب کےکلین ایئر پروگرام کےتحت فراہم کیا جائےگا۔
ورلڈ بینک کے مطابق قرض کی رقم پنجاب میں فضائی آلودگی کے خاتمےکےلیےخرچ ہو گی،اس قرض سےصوبائی حکومت کے سموگ مٹیگیشن ایکشن پلان کو تقویت ملےگی، اور پنجاب سے فضائی آلودگی کےخاتمے کے لئے اقدامات کو مؤثر بنانے میںمدد ملے گی۔
کنٹری ڈائریکٹر ورلڈ بینک کا کہنا ہےکہ پنجاب کلین ایئرپروگرام اسموگ کم کرنےکے منصوبے کے لیے معاون ہے، یہ لاکھوں شہریوں کی صحت اور بہبود کو بہتربنانےکی ایک اہم کوشش ہے۔
ورلڈ بینک کا کہنا ہےکہ پنجاب کلین ایئرپروگرام عالمی بینک کےنئےکنٹری پارٹنرشپ فریم ورک کےمطابق ہے، لاہور ڈویژن کے ایک کروڑ 30لاکھ شہریوں کو فضائی آلودگی سے جڑی بیماریوں سے محفوظ رہنے میں مدد ملےگی۔
