راولپنڈی:شوہر سے 15 لاکھ روپے ہتھیانے کےلئے اپنے ہی بیٹے کے اغواء کا ڈرامہ رچانے والی خاتون کو پولیس نےگرفتارکرلیاہے.
راولپنڈی کے تھانہ رتہ امرال پولیس نے کارروائی کرتے ہوئے اپنے 9 ماہ کے بیٹے کے اغواءبرائے تاوان کا مطالبہ کرنے والی ملزمہ کو گرفتار کیاہے۔
نجی نیوز چینل کے مطابق خاتون نےاپنے ہی بیٹے کے اغواءاور پھر تاوان کا ڈرامہ رچا کر پولیس کو اطلاع دی تھی،جوغلط ثابت ہونے پرملزمہ صوفیہ کو پولیس نے گرفتار کیاہے۔
ملزمہ صوفیہ نے 15پر اطلاع دی تھی کہ اس کے بیٹے کو کسی نے اغواء کرلیا ہے، اس پر رتہ امرال پولیس فوری موقع پر پہنچی ،تحقیقات پر ایسا کوئی واقعہ ثابت نہیں ہوسکاہے۔
تفتیش پر معلوم ہواکہ ملزمہ نے اپنے شوہر سے 15 لاکھ بٹورنے کی خاطر بوگس کال کرنے کی تھی۔ رتہ امرال پولیس نے مقدمہ درج کر کے ملزمہ کو گرفتار کر لیا ہے۔
پولیس حکام کا کہنا ہے کہ 15 ایمرجنسی ہیلپ لائن شہریوں کی سہولت کے لیے ہے،اس کےغلط استعمال پر قانونی کی جائے گی۔
