پشاور:خیبرپختونخوا کے ضلع خیبر میں انسداد پولیو ٹیم پر نامعلوم افراد کی فائرنگ سے ایک پولیس اہلکارشہید ہوگیا۔
یہ حملہ اس وقت ہوا جب ملک میں رواں سال کی پہلی قومی انسداد پولیو مہم کا آغاز کیا گیا،جس کا مقصد چار کروڑ 50 لاکھ بچوں کو پولیو سے بچاؤ کی ویکسین پلانا ہے۔
حکام کے مطابق افسوسناک واقعے کے بعد پولیس اہلکار کی لاش کو ہسپتال منتقل کردیا گیا جبکہ ملزمان کی تلاش شروع آپریشن شروع کردیا گیا ہے۔
خیال رہے کہ رواں سال کی پہلی قومی انسداد پولیو مہم کاملک بھر میں آغاز ہوگیا ہے۔ ساڑھے 4 کروڑ سےزائد بچوں کو پولیو سے بچاؤ کے قطرے پلائے جائیں گے۔ 7 روزہ قومی انسداد پولیو مہم 3 سے نو فروری تک جاری رہے گی۔
ملک بھر میں وزارت قومی صحت کے مطابق پنجاب میں دوکروڑ 33 لاکھ سے زائد بچوں کو پولیو سے بچاؤ کے قطرے پلانے کا ہدف مقرر کیا گیا ہے ۔سندھ بھر میں پولیو مہم کے دوران ایک کروڑ چھ لاکھ سے زائد بچوں کوپولیو کے قطرے پلائے جائیں گے۔بلوچستان کے مختلف اضلاع میں 26 لاکھ 60 ہزار ہزار جبکہ خیبرپختونخوا میں 72 لاکھ 99 ہزار بچوں کو پولیو ویکسین پلائی جائے گی۔ اسلام آباد، آزادکشمیر اورگلگت بلتستان میں 8 لاکھ سے زائد بچوں کو پولیو ویکسین پلائی جائے گی۔
