لاہور:ایم بی بی ایس کی پہلی سلیکشن لسٹ یونیورسٹی آف ہیلتھ سائنسز کی ویب سائٹ پر جاری کردی گئی،سرکاری میڈیکل کالجز کیلئے کم سے کم میرٹ 94.3621 فیصد رہا.اوپن میرٹ سیٹوں پر کنگ ایڈورڈ میڈیکل کالج لاہور کا میرٹ سب سے زیادہ 96.0727 فیصد رہاہے.
علامہ اقبال میڈیکل کالج لاہور کا میرٹ 95.6091 فیصد،سروسز انسٹیٹیوٹ آف میڈیکل سائنسز لاہور کا میرٹ 95.2773 فیصد،نشتر میڈیکل کالج ملتان کا میرٹ 95.1591 فیصد رہا،راولپنڈی میڈیکل کالج راولپنڈی کا میرٹ 94.8091 فیصد،امیر الدین میڈیکل کالج لاہور کا میرٹ94.8091 فیصد،فاطمہ جناح میڈیکل کالج لاہور کا میرٹ 94.7318 فیصد رہا،پنجاب میڈیکل کالج فیصل آباد کا میرٹ 94.6409 فیصد،قائد اعظم میڈیکل کالج بہاولپور کا میرٹ 94.5864 فیصد،گوجرانوالہ میڈیکل کالج گوجرانوالہ کا میرٹ 94.5364 فیصد،ساہیوال میڈیکل کالج کا میرٹ 94.4909 فیصد،خواجہ محمد صفدر میڈیکل کالج سیالکوٹ کا میرٹ 94.4818 فیصد،نواز شریف میڈیکل کالج گجرات کا میرٹ 94.4364 فیصد،سرگودھا میڈیکل کالج سرگودھا کا میرٹ 94.4318 فیصد،شیخ زید میڈیکل کالج رحیم یار خان کا میرٹ 94.4167 فیصد،ڈی جی خان میڈیکل کالج کا میرٹ 94.3955 فیصد رہا ہے.اس سال بننے والے نارووال میڈیکل کالج کا میرٹ 94.3621 فیصد رہا.ترجمان یو ایچ ایس کے مطابق امیدوار تمام سلیکشن لسٹیں یو ایچ ایس کی ویب سائٹ www.uhs.edu.pk پر دیکھ سکیں گے.داخل ہونے والے امیدواران کیلئے اپنی کالج فیس 23 جنوری تک جمع کروانا لازمی ہے. امیدوار کالج فیس کا چالان یو ایچ ایس ایڈمیشن پورٹل سے ڈاؤن لوڈ کر سکتے ہیں.سرکاری میڈیکل کالجز کی سالانہ فیس اٹھارہ ہزار روپے ہے،جو
امیدوار کالج فیس بنک آف پنجاب کے اکاؤنٹ میں آن لائن جمع کرواسکتے ہیں اورفیس جمع کروانے کے بعد امیدوار کو اپنے متعلقہ میڈیکل کالج میں تحریری طور پر جوائننگ دینا ہوگی جبکہ فیس جمع اور جوائن کرنے والے امیدواروں کو ہی داخل تصور کیا جائے گا.دوسری سلیکشن لسٹ 24 جنوری کو جاری کی جائیگی.
