تونسہ شریف: پنجاب کے ضلع تونسہ میں سرکاری سکول میں قائم گودام سے 43 ہزار سے زائد سرکاری کتابیں چوری کرلی گئیں۔
تونسہ پولیس تھانہ سٹی میں اسسٹنٹ ایجوکیشن آفیسر کی مدعیت میں مقدمہ درج کرلیا گیا ہے جس کے مطابق تونسہ کے بوائز ہائی سکول میں قائم ویئر ہاؤس سے 43665 کتابیں چوری کرلی گئیں۔
پولیس کے مطابق سرکاری کتابیں چوری ہونے پر سکول کے چوکیدار اور گودام کے ذمہ داروں سمیت 7 افراد پر مقدمہ درج کرلیا گیا اور تحقیقات کا آغاز کردیا گیا ہے۔
مقدمے کے مطابق رواں سال کے نصاب کی کتابیں تونسہ کی سرکاری سکولوں میں اسی ماہ میں تقسیم کرنا تھیں۔
