گلگت: تین سالہ کنڑیکٹ مدت ملازمت مکمل کرنے کے بعد جنوبی پنجاب سے تعلق رکھنے والے چیف جسٹس گلگت بلتستان سردار محمد شمیم خان کی مدت ملازمت میں توسیع کر دی گئی ہے۔
گلگت بلتستان کونسل کی جانب سےجاری نوٹیفکیشن کے مطابق وزیرِاعظم پاکستان وچیئرمین گلگت بلتستان کونسل نے گورنرگلگت بلتستان کی مشاورت سے جسٹس سردار محمد شمیم خان کی مدت ملازمت میں توسیع کردی۔
نوٹیفکیشن کے مطابق ان کی تعیناتی 5 نومبر سے مؤثر ہوگی جو کہ 70 سال کی عمر مکمل ہونے تک برقرار رہے گی۔
جسٹس سردار محمد شمیم خان 3 سال تک گلگت بلتستان میں عدالت عظمیٰ سپریم اپیلٹ کورٹ میں بطور کنٹریکٹ چیف جسٹس فرائض سرانجام دے چکے ہیں۔
انکی مدت ملازمت مکمل ہونے پر نئی تعیناتی کے بعد وہ 70 سال کی عمر کی حد تک بطور چیف جج اپنے فرائض سر انجام دینگے۔
سردار محمد شمیم خان سابق چیف جسٹس لاہور ہائیکورٹ ہیںاور جنوبی پنجاب کے ضلع رحیم یارخان کے علاقہ ترنڈہ محمد پناہ سے تعلق رکھتے ہیں.
